«...យើងខ្ញុំក៏បានស្នើសុំទៅអាមេរិកនូវវ៉ាក់សាំងផងដែរ គឺសុំ៤លានដូស។ ប៉ុន្តែមកដល់ម៉ោងនេះ យើងខ្ញុំអត់ទាន់ទទួលបានចម្លើយណាមួយសហរដ្ឋអាមេរិកទេ»។ នេះបើតាមសម្ដេច ហ៊ុន សែន ដែលបានបន្ថែមថា សម្ដេចរង់ចាំស្វាគមន៍ជានិច្ច រាល់វ៉ាក់សាំងពីបណ្ដាប្រទេសនានា ដែលចង់ជួយកម្ពុជា។
 

សម្ដេច ហ៊ុន សែន ក៏ស្នើឱ្យបណ្ដាប្រទេសលើពិភពលោក សម្លឹងមើលនយោបាយការបរទេសរបស់កម្ពុជា តាមរយៈឥរិយាបទសមរម្យមួយ ដោយកុំចោទប្រកាន់កម្ពុជាថា ពឹងផ្អែកតែលើចិន ឬអ្នកណាមួយខ្លាំង ។
 

 កាលពីថ្ងៃទី១៨ឧសភានេះ ឯកអគ្គរដ្ឋទូតអាមេរិកប្រចាំកម្ពុជា លោក W. Patrick Murphy បានបញ្ជាក់ថា សហរដ្ឋអាមេរិក គឺជាដៃគូរឹងមាំនៅកម្ពុជា នៅអំឡុងពេលរាតត្បាតកូវីដ-១៩ ជាសាកលនេះ ដោយនឹងផ្តល់ថវិកាជាង ១១លានដុល្លារសម្រាប់កម្ពុជាផង។ ការផ្ដល់ជំនួយនេះ គឺទាក់ទងនឹងជំងឺកូវីដ-១៩ ដែលជាជំនួយបច្ចេកទេសសំខាន់ៗ ហើយបន្ថែមលើកម្មវិធីសហការជាដៃគូជាយូរ ក្នុងផ្នែកសុខាភិបាល។ 
 

លើសពីនេះ អាមរិកក៏បានផ្តល់ថវិកាជាង ៤ពាន់លានដុល្លារដល់បណ្ដាប្រទេសផ្សេងៗតាមយន្តការCOVAX របស់អង្គការសុខភាពពិភពលោក។ តាមរយៈកម្មវិធីនេះស្ថានទូតអាមេរិកប្រចាំកម្ពុជា បានសរសេរលើហ្វេសប៊ុក កាលពីថ្ងៃទី១៨ ឧសភាថា ៖ «កម្ពុជានឹងទទួលបានវ៉ាក់សាំង១លាន១ សែនដូស នៅត្រឹមដំណាច់ខែឧសភានេះ ហើយនឹងមានមកថែមទៀត »។ 

សូមជម្រាបថា បច្ចុប្បន្នកម្ពុជាបានចាក់វ៉ាក់សាំងឲ្យពលរដ្ឋបានជាង២លាន១សែននាក់ហើយ ស្មើនឹង២១ភាគរយនៃចំនួនពលរដ្ឋ១០លាននាក់ លើមនុស្សអាយុ១៨ឆ្នាំឡើងទៅ៕