កីឡាជាតិ
ជាតិ
ស៊ីហ្គេម៖ វិទិនី ហែលយឺតជាងកាលពីឆ្នាំ២០១១ លើវិញ្ញាសាសេរី១០០ម៉ែត្រ
× កីឡាការិនីហែលទឹក ហែមថុន វិទិនី ធ្វើមិនបានលទ្ធផលល្អក្នុងការចាប់ផ្តើមយុទ្ធនាការប្រកួតកីឡាស៊ីហ្គេមលើកទី២៧ នៅទីក្រុងណៃពីដរ ប្រទេសមីយ៉ាន់ម៉ា។ នាការប្រកួតលើកដំបូងរបស់ខ្លួនលើវិញ្ញាសាហែលសេរី ចម្ងាយ១០០ម៉ែត្រ កីឡាការិនីដ៏ស្រស់ស្អាតវ័យ២០ឆ្នាំរូបនេះ បានបញ្ចប់ចំណាត់ថ្នាក់ចុងក្រោយគេក្នុងចំណោមកីឡាការិនីចំនួន១៣នាក់ ក្នុងនោះម្នាក់បានបោះបង់ចោលការប្រកួត។
ក្នុងវិញ្ញាសានេះ ដែលត្រូវបានប្រកួតនៅក្នុងអាងនៃកីឡដ្ឋាន Wunna Theikdi វិទិនី ប្រើថិរវេលា ១:០៨.៤៩ ខណៈកាលពីព្រឹត្តិការណ៍ស៊ីហ្គេមលើកទី២៦ នាឆ្នាំ២០១១ នៅប្រទេសឥណ្ឌូនេស៊ី គេធ្វើបានក្នុងថិរវេលា ១:០៧.៧៦ ៕ © រក្សាសិទ្ធិដោយ thmeythmey.com