ជាតិ
សុខភាព
×![]()
ដោយ: អ៊ូ សុខមាន (OU Sokmean) &
រដ្ឋបាលខេត្តសៀមរាប កោះកុង ព្រៃវែង និងកំពង់ស្ពឺ បន្តរកឃើញអ្នកជំងឺកូវីដ-១៩ សរុប៥៣នាក់ទៀត ដោយក្នុងនោះសៀមរាប មាន៣នាក់, កំពង់ស្ពឺមាន១៣, កោះកុង មាន១៥នាក់ និងព្រៃវែងមាន២២នាក់។ ចំពោះអ្នកជំងឺកូវីដ-១៩ប្រចាំថ្ងៃទី២៥ឧសភា របស់ខេត្តទាំងបួននេះ គឺមានអាយុពី៣ខែ រហូតដល់ ៧៣ឆ្នាំ។ តាកែវ ស្វាយរៀង បាត់ដំបង បន្ទាយមានជ័យ ក៏បានចេញផ្សាយរបាយការណ៍ជាបន្តបន្ទាប់ផងដែរ។ 
ព្រៃវែង៖ ២២នាក់ ដោយ៥នាក់ជាពលករពីថៃ
ខេត្តព្រៃវែង ក៏ប្រកាសរកឃើញអ្នកឆ្លងកូវីដ-១៩ ចំនួន២២នាក់ទៀត ផងដែរ។ ក្នុងនោះ មាន៥នាក់ ជាពលករមកពីថៃ និងមាន២នាក់ជាពលរដ្ឋទើបត្រលប់មកពីភ្នំពេញ។ ក្រៅពីនេះ គឺជាពលរដ្ឋរស់នៅក្នុងស្រុកព្រះស្តេច មាន៥នាក់, ស្រុកពារាំង មាន៨នាក់, ស្រុកពាមជរ មាន២នាក់, ស្រុកបាភ្នំម្នាក់ និងស្រុកស៊ីធរកណ្តាលក៏មានម្នាក់ ដែរ។
ការរកឃើញអ្នកឆ្លងកូវីដ-១៩បន្ថែម២២នាក់នេះ បានធ្វើឱ្យខេត្តព្រៃវែងកើននូវអ្នកជំងឺកូវីដ-១៩ដល់៣០៥នាក់ ដោយក្នុងនោះ មាន១៤៣នាក់ បានជាសះស្បើយ និង១៥៨នាក់កំពុងព្យាបាល ខណៈមនុស្ស៤នាក់ បានបាត់បង់ជីវិតដោយសារតែជំងឺនេះ។
កោះកុង៖ ១៥ករណី ដែលសុទ្ធតែជាអ្នកស្រុកស្រែអំបិល
អ្នកឆ្លងថ្មីនៃជំងឺកូវីដ-១៩ ចំនួន១៥នាក់ របស់ខេត្តកោះកុង គឺសុទ្ធសឹងជាពលរដ្ឋមានអាសយដ្ឋាននៅ ឃុំបឹងព្រាវ ស្រុកស្រែអំបិល។
កំពង់ស្ពឺ៖ ១៣នាក់ ភាគច្រើននៅសំរោងទង
រដ្ឋបាលខេត្តកំពង់ស្ពឺប្រកាសពីការតេស្តវិជ្ជមាន១៣នាក់ទៀត។ នៅស្រុកសំរោងទងមាន ៦នាក់, ស្រុកឧដុង្គ២នាក់, ស្រុកថ្ពង ២នាក់, ស្រុកបសេដ្ឋ១នាក់ និងក្រុងច្បារមន១ ខណៈអ្នកជំងឺកូវីដ-១៩ ១ទៀត ជាពលរដ្ឋធ្វើដំណើរមកពីស្រុកកំពង់ត្រឡាច ខេត្តកំពង់ឆ្នាំង។
សៀមរាប៖ ៣ករណី ដោយ២នាក់ទៅពីភ្នំពេញ
ខេត្តសៀមរាបដែលមានមនុស្ស៣នាក់ទៀតឆ្លងកូវីដ-១៩ ដែរនោះ មាន២នាក់ ជាអ្នកដំណើរ មកពីខណ្ឌមានជ័យ រាជធានីភ្នំពេញ ខណៈម្នាក់ទៀត ជាពលរដ្ឋរស់នៅក្នុងភូមិក្អែក ឃុំកណ្តែក ស្រុកប្រាសាទបាគង។
តាកែវ៖ ឆ្លងថ្មី៣៧នាក់ ភាគច្រើនជាកម្មករ
រដ្ឋបាលខេត្តតាកែវ បន្តរកឃើញអ្អ្នកឆ្លងកូវីដ-១៩ ចំនួន៣៧នាក់ទៀត ភាគច្រើនជាកម្មកររោងចក្រសាន់បូរ និង៨នាក់ជាពលករមកពីប្រទេសថៃ។ បើតាមរដ្ឋបាលខេត្តតាកែវ ក្នុងចំណោមមនុស្ស៣៧នាក់នេះ មានពលរដ្ឋ ២២នាក់ មានអាសយដ្ឋាននៅស្រុកបាទី ,ស្រុកសំរោង ស្រុកកោះអណ្ដែត និងស្រុកទ្រាំងរកឃើញ៤នាក់រៀងខ្លួន ខណៈស្រុកជុំគិរី ស្រុកដូនកែវ១នាក់ និងស្រុកព្រៃកប្បាស ក៏មាន១នាក់រៀងខ្លួនដែរ។
ស្វាយរៀង៖ រកឃើញ២១នាក់ ជាករណីឆ្លងក្នុងសហគមន៍
រដ្ឋបាលខេត្តស្វាយរៀង បន្តរកឃើញមនុស្ស២១នាក់ មានវិជ្ជមានកូវីដ-១៩ ភាគច្រើនអ្នកធ្លាប់ប៉ះពាល់ជាមួយអ្នកកើតជំងឺកូវីដ-១៩។ បើតាមរដ្ឋបាលខេត្ត មនុស្សទាំង២១នាក់ ត្រូវបានបញ្ជូនទៅព្យាបាលនៅមន្ទីរពេទ្យបង្អែកសាមគ្គីរំដួល ១៨នាក់, មណ្ឌលសុខភាពព្យាបាលជំងឺកូវីដ-១៩ បាវិត២នាក់ និងមន្ទីរពេទ្យបង្អែកស្វាយជ្រុំ១នាក់។
បាត់ដំបង៖ រកឃើញ១៣នាក់ ភាគច្រើនជាពលករទើបត្រឡប់ពីប្រទេសថៃ
រដ្ឋបាលខេត្តបាត់ដំបង រកឃើញអ្នកឆ្លងកូវីដ-១៩ ១៣នាក់ទៀត ក្នុងនោះ១០នាក់ ជាពលករដែលទើបត្រឡប់មកពីប្រទេសថៃ និង៣នាក់បានធ្វើដំណើរទៅពីរាជធានីភ្នំពេញ។ បច្ចុប្បន្នខេត្តបាត់ដំបង មានអ្នកឆ្លងសរុប ១៦៨នាក់ អ្នកជាសះស្បើយ ៦០នាក់ និង១ករណីស្លាប់។ កាលពីថ្ងៃទី២៥ ឧសភា រដ្ឋបាលខេត្តបាត់ដំបង ក៏បានសម្រេចបិទខ្ទប់ជាបណ្តោះអាសន្ន ផ្ទះចំនួន២ខ្នង ស្ថិតនៅក្រុមទី២៦ ភូមិវត្តលៀប សង្តាត់ចំការសំរោង និងទីតាំងផ្ទះចំនួន២ខ្នងទៀត នៅក្រុមទី៤ និងក្រុមទី៤០ ភូមិដាំស្ពៃ សង្តាត់ស្លាកែត ក្រុងបាត់ដំបង ដើម្បីទប់ស្កាត់ការឆ្លងរាលដាលជំងឺកូវីដ-១៩។
រដ្ឋបាលខេត្តនីមួយៗ បន្តអំពាវនាវយ៉ាងទទូចដល់សាធារណជនទាំងអស់ ដែលបានប៉ះពាល់ដោយផ្ទាល់ និងប្រយោលជាមួយអ្នកជំងឺកូវីដ-១៩ សូមរួសរាន់មកធ្វើតេស្តរកកូវីដ-១៩ និងធ្វើចត្តាឡីស័ក១៤ថ្ងៃឱ្យបានត្រឹមត្រូវ។
បន្ទាយមានជ័យ៖ ឆ្លងថ្មី៦០នាក់ ភាគច្រើននៅក្រុងប៉ោយប៉ែត ខណៈអ្នកសះស្បើយមាន៩៤នាក់
បន្ទាយមានជ័យ បន្តឃើញវិជ្ជមានកូវីដ-១៩ ចំនួន៦០ករណីទៀត ក្នុងនោះ មាន៤៧ករណី ជាអ្នកមានអាសយដ្ឋានរស់នៅក្រុងប៉ោយប៉ែត។ ក្រៅពីនេះ ស្រុកព្រះនេត្រព្រះមាន៣ករណី, ស្រុកស្វាយចេកមាន ៣ករណី, ស្រុកអូរជ្រៅមាន២ករណី, ស្រុកភ្នំស្រុកមាន២ករណី, ស្រុកថ្មពួកមាន១ករណី និងក្រុងសិរីសោភ័ណមាន២ករណីផងដែរ។
ក្នុងចំណោមមនុស្ស៦០នាក់ដែលឆ្លងកូវីដ-១៩នេះ មាន៤៧នាក់ ទទួលលទ្ធផលវិជ្ជមានកូវីដ-១៩ ដោយឧបករណ៍ធ្វើតេស្តរហ័ស( Rapid Test) និង១៣នាក់ទៀត ទទួលលទ្ធផលវិជ្ជមានកូវីដ-១៩ ដោយវិទ្យាស្ថានប៉ាស័្ទរកម្ពុជា។ រដ្ឋបាលខេត្តនេះបានបញ្ជាក់ថា អ្នកជំងឺកូវីដ-១៩ទាំងនេះ គឺជាពលករមកពីប្រទេសថៃ, កម្មករ, បុគ្គលិកសហគ្រាស និងអ្នកលក់បាយជាដើម។
ក្នុងថ្ងៃទី២៦ឧសភា ឆ្នាំ២០២១ ក្រៅពីរកឃើញករណីឆ្លងថ្មីនេះ រដ្ឋបាលខេត្តបន្ទាយមានជ័យ ក៏ប្រកាសដំណឹងល្អដែលមានមនុស្ស៩៤នាក់ បានជាសះស្បើយពីជំងឺកូវីដ-១៩វិញ ផងដែរ៕
បន្ទាយមានជ័យ៖ ឆ្លងថ្មី៦០នាក់ ភាគច្រើននៅក្រុងប៉ោយប៉ែត ខណៈអ្នកសះស្បើយមាន៩៤នាក់
បន្ទាយមានជ័យ បន្តឃើញវិជ្ជមានកូវីដ-១៩ ចំនួន៦០ករណីទៀត ក្នុងនោះ មាន៤៧ករណី ជាអ្នកមានអាសយដ្ឋានរស់នៅក្រុងប៉ោយប៉ែត។ ក្រៅពីនេះ ស្រុកព្រះនេត្រព្រះមាន៣ករណី, ស្រុកស្វាយចេកមាន ៣ករណី, ស្រុកអូរជ្រៅមាន២ករណី, ស្រុកភ្នំស្រុកមាន២ករណី, ស្រុកថ្មពួកមាន១ករណី និងក្រុងសិរីសោភ័ណមាន២ករណីផងដែរ។
ក្នុងចំណោមមនុស្ស៦០នាក់ដែលឆ្លងកូវីដ-១៩នេះ មាន៤៧នាក់ ទទួលលទ្ធផលវិជ្ជមានកូវីដ-១៩ ដោយឧបករណ៍ធ្វើតេស្តរហ័ស( Rapid Test) និង១៣នាក់ទៀត ទទួលលទ្ធផលវិជ្ជមានកូវីដ-១៩ ដោយវិទ្យាស្ថានប៉ាស័្ទរកម្ពុជា។ រដ្ឋបាលខេត្តនេះបានបញ្ជាក់ថា អ្នកជំងឺកូវីដ-១៩ទាំងនេះ គឺជាពលករមកពីប្រទេសថៃ, កម្មករ, បុគ្គលិកសហគ្រាស និងអ្នកលក់បាយជាដើម។
ក្នុងថ្ងៃទី២៦ឧសភា ឆ្នាំ២០២១ ក្រៅពីរកឃើញករណីឆ្លងថ្មីនេះ រដ្ឋបាលខេត្តបន្ទាយមានជ័យ ក៏ប្រកាសដំណឹងល្អដែលមានមនុស្ស៩៤នាក់ បានជាសះស្បើយពីជំងឺកូវីដ-១៩វិញ ផងដែរ៕
របាយការណ៍ទូទាំងប្រទេស
គិតមកពេលនេះកម្ពុជាមានអ្នកឆ្លងកូវីដ-១៩ សរុប ២៦ ៩៨៩នាក់ អ្នកជាសះស្បើយមានចំនួន ១៩ ៧៧២នាក់ ខណៈអ្នកស្លាប់កើនដល់ ១៩០នាក់៕
Tag:
សៀមរាប
កោះកុង
កំពង់ស្ពឺ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
1 សប្តាហ៍
