លក្ខខណ្ឌដែលក្រសួងអប់រំជ្រើសរើស និងបណ្តុះបណ្តាលគ្រូកម្រិតឧត្តម គឺបេក្ខជនត្រូវតែជានិស្សិតដែលពុំទាន់ចូលក្របខណ្ឌមន្ត្រីរាជការ ឬជាបុគ្គលិកក្របខណ្ឌក្រសួងអប់រំ។ បេក្ឋជន ត្រូវមានសញ្ជាតិខ្មែរ អាយុមិនលើសពី៤០ឆ្នាំ និងមានសញ្ញាបត្រជាន់ខ្ពស់  ឬសញ្ញាបត្រសមមូលឡើងទៅ។ ចំពោះបុគ្គលិកក្រសួងគឺមិនកំណត់លក្ខខណ្ឌអាយុឡើយ។

 

បេក្ខជនត្រូវមកដាក់ពាក្យនៅតាមមន្ទីរអប់រំ យុវជន និងកីឡាខេត្តទាំង២៤ និងវិទ្យាសា្ថនជាតិអប់រំ ដោយមិនឲ្យផុតថ្ងៃទី៩ ខែកក្កដា ឆ្នាំ២០២១។  សម័យប្រឡង នឹងប្រព្រឹត្តទៅនៅថ្ងៃទី១៥ ខែសីហា ឆ្នាំ២០២១ នៅរាជធានីភ្នំពេញ។ 

 

បើតាមក្រសួងអប់រំ បេក្ខជនទាំងអស់ គឺត្រូវភ្ជាប់មកប័ណ្ណទទួលវ៉ាក់សាំងការពារជំងឺកូវីដ-១៩ ដើម្បីមកប្រឡង។ ក្នុងករណីបេក្ខជនមិនអាចទទួលការចាក់វ៉ាក់សាំងជំងឺកូវីដ-១៩បាន គឺត្រូវមានលិខិតបញ្ជាក់ជាផ្លូវការពីមន្ទីរសុខាភិបាលរាជធានីខេត្ត។

 

«បេក្ខជនណា ដែលមិនមានប័ណ្ណទទួលវ៉ាក់សាំងការពារជំងឺកូវីដ-១៩ ឬលិខិតបញ្ជាក់ជាផ្លូវការពីមន្ទីរសុខាភិបាលរាជធានីខេត្ត គណៈកម្មការរៀបចំប្រឡងមិនអនុញ្ញាតឲ្យបេក្ខជននោះចូលប្រឡងឡើយ»។ នេះជាការលើកឡើងរបស់ក្រសួងអប់រំ៕