តើមេឃខៀវ Manchester City  ឬតោខៀវ Chelsea ជាក្រុមអាចឈ្នះការប្រកួតវគ្គផ្តាច់ព្រ័ត្រ Champions league  ២០២០-២០២១? តើក្រុមដែលឈ្នះពានទទួលបានប្រាក់រង្វាន់ចំនួនប៉ុន្មាន?
 

សម្រាប់ក្រុមមេឃខៀវ Man City បើរាប់ពីការប្រកួតក្នុងវគ្គចែកពូល និងការប្រកួតដំណាក់កាលបន្តបន្ទាប់ ពួកគេរកបានប្រាក់រង្វាន់ប្រមាណ៦១,៦៥លានអឺរ៉ូរួចជាស្រេច។ ចំណែកក្រុមតោខៀវ Chelsea គិតពីវគ្គចែកពូលបូករួមនិងការប្រកួតទាំងអស់មកដល់វគ្គផ្តាច់ព្រ័ត្រនេះ ពួកគេរកបានប្រាក់ប្រមាណ ៥៩,៨៥ លានអឺរ៉ូក្រោម Man City បន្តិច។
 

បើតាមសារព័ត៌មាន Goal ក្រុមជើងឯកពានរង្វាន់ UEFA Champions League ២០២០-២០២១ នឹងទទួលបានប្រាក់រង្វាន់ពីការប្រកួតវគ្គផ្តាច់ព្រ័ត្រនេះប្រមាណ ១៩លានអឺរ៉ូ ចំណែកក្រុមរងជើងឯកទទួលបានប្រាក់ចំនួន ១៥លានអឺរ៉ូ។ 
 

បើក្រុម Man City ឈ្នះការប្រកួតវគ្គផ្តាច់ព្រ័ត្រនឹងទទួលបានប្រាក់ ១៩លានអឺរ៉ូបន្ថែមទៀត នោះបានន័យថា Man City និងទទួលបានប្រាក់រង្វាន់ប្រមាណ ៨០.៦៥លានអឺរ៉ូ។ រីឯក្រុម Chelsea បើឈ្នះការប្រកួត នឹងទទួលបានប្រាក់រង្វាន់ប្រមាណ៧៨.៨៥លានអឺរ៉ូ៕