អ្នកជំងឺចំនួន ១០៣នាក់ បានជាសះស្បើយ ខណៈអ្នកឆ្លងថ្មីមាន ៨៥នាក់ និងស្លាប់១ករណីបន្ថែម។ ក្នុងចំណោមអ្នកវិជ្ជមានទាំង ៨៥នាក់នោះ មាន៩នាក់ជាពលរដ្ឋក្រុងកំពង់ចាម, ១៥នាក់ជាអ្នកស្រុកកំពង់សៀម, ១១នាក់នៅព្រៃឈរ, ៩នាក់នៅស្ទឹងត្រង់, ៣នាក់នៅស្រុកស្រីសន្ធរ,  ៥នាក់ជាអ្នកស្រុកកោះសូទិន, ២នាក់នៅស្រុកកងមាស, ១៥នាក់នៅស្រុកជើងព្រៃ, ១នាក់នៅស្រុកបាធាយ,២នាក់ជាអ្នកខេត្តត្បូងឃ្មុំ និង១នាក់ទៀតជាអ្នកខេត្តកំពង់ធំ។

 

ចំណែកអ្នកស្លាប់ គឺជាស្ត្រីវ័យ៥៤ឆ្នាំ រស់នៅភូមិពង្រ ឃុំពង្រ ស្រុកកោះសូទិន ខេត្តកំពង់ចាម។ ខេត្តកំពង់ចាម មានអ្នកជំងឺសរុប ១៩៩៥នាក់ ខណៈអ្នកជំងឺដែលកំពុងសម្រាកព្យាបាលមានចំនួន ៨២១នាក់។ អាជ្ញាធរមិនបញ្ជាក់ពីចំនួនអ្នកស្លាប់សរុបនោះទេ ខណៈក្នុងខេត្តនេះ មានអ្នកជំងឺបានស្លាប់ស្ទើររៀងរាល់ថ្ងៃ។   

បាត់ដំបង៖ រកឃើញ៤៦នាក់ទៀត និង៣៣នាក់សះស្បើយ
 

មនុស្សចំនួន ៤៦នាក់ទៀត មានតេស្តវិជ្ជមានកូវីដ-១៩ នៅថ្ងៃទី១២កក្កដា ខណៈអ្នកជំងឺចំនួន ៣៣នាក់បន្ថែមបានជាសះស្បើយ។ ក្នុងចំណោមអ្នកឆ្លងថ្មីទាំងនោះ មាន៣នាក់ជាករណីនាំចូលពីប្រទេសថៃ។ ពលរដ្ឋទាំងនោះរស់នៅក្នុងក្រុងបាត់ដំបង ស្រុកបាណន់ ឯកភ្នំ សង្កែ មោងឫស្សី ថ្មគោល បវេល សំពៅលូន និងស្រុកកំរៀង។ អ្នកវិជ្ជមាន២នាក់ជាអ្នករស់នៅស្រុកអូរជ្រៅ ខេត្តបន្ទាយមានជ័យ។ គិតត្រឹមថ្ងៃទី១២ កក្កដា ខេត្តបាត់ដំបង រកឃើញអ្នកវិជ្ជមានកូវីដ-១៩ សរុប១៦២០នាក់ ក្នុងនោះអ្នកជាសះស្បើយមានចំនួន ៧៨៥នាក់ ១១នាក់ស្លាប់ និងអ្នកកំពុងព្យាបាលមានចំនួន ៨២៤នាក់។ 

 

 

មនុស្ស ៤២នាក់ទៀត មានតេស្តវិជ្ជមានកូវីដ-១៩ ខណៈដែលមានអ្នកជំងឺម្នាក់ទៀតបានស្លាប់។ ក្នុងចំណោមអ្នកទើបឆ្លងថ្មី មានជិត៣០នាក់ជាអ្នករស់នៅក្នុងក្រុងកំពង់ឆ្នាំង ហើយក្រៅពីនេះមានពលរដ្ឋនៅស្រុកកំពង់ត្រឡាច កំពង់លែង បរិបូណ៌ រលាប្អៀរ និងស្រុកសាមគ្គីមានជ័យ។  ចំណែកអ្នកស្លាប់ គឺជាស្ត្រីវ័យ ៦៨ឆ្នាំ រស់នៅភូមិពាមខ្នង ឃុំផ្លូវទូក ស្រុកកំពង់លែង ខេត្តកំពង់ឆ្នាំង។ អ្នកជំងឺស្លាប់ក្រោយចូលសម្រាកនៅមន្ទីរពេទ្យបាន៥ម៉ោង ហើយបើតាមការសន្និដ្ឋានរបស់គ្រូពេទ្យ គាត់ស្លាប់ដោយសារជំងឺរលាកសួតធ្ងន់ធ្ងរបណ្តាលមកពីកូវីដ-១៩។ 

 

 

អ្នកជំងឺចំនួន ៦៥នាក់បានជាសះស្បើយ ខណៈករណីឆ្លងថ្មីមាន ចំនួន ៣២នាក់បន្ថែមដែរ ក្នុងនោះមានទារក និងកុមារ ៧នាក់។ តាមរបាយការណ៍របស់រដ្ឋបាលខេត្ត អ្នកវិជ្ជមានទាំង ៣២នាក់ គឺជាពលរដ្ឋក្នុងក្រុងសួង ស្រុកត្បូងឃ្មុំ មេមត់ អូររាំងឪ ពញាក្រែក និងស្រុកក្រូចឆ្មារ។ 

 

 

ក្នុងចំណោមអ្នកវិជ្ជមានទាំង ៣១នាក់នោះមាន៧នាក់ជាកុមារ។ អ្នកវិជ្ជមានជាអ្នករស់នៅក្រុងកំពត ស្រុកដងទង់ កំពង់ត្រាច ជុំគិរី ឈូក និងស្រុកទឹកឈូ។ បច្ចុប្បន្នខេត្តកំពតមានអ្នកកើតកូវីដ-១៩ ចំនួន ២៤០៤នាក់ ក្នុងនោះ១២៤៩នាក់ បានជាសះស្បើយ ២៦នាក់ស្លាប់ និង១១២៩នាក់ទៀតកំពុងសម្រាកព្យាបាល។ 

 

 

មនុស្សចំនួន ២៩នាក់ទៀត បានឆ្លងកូវីដ-១៩ ខណៈអ្នកជំងឺ ២៦នាក់បានជាសះស្បើយ។ ក្នុងចំណោមអ្នកវិជ្ជមានថ្មី គឺជាពលរដ្ឋដែលរស់នៅក្រុងស្ទឹងសែន ស្រុកសន្ទុក បារាយណ៍ ស្ទោង និងស្រុកតាំងគោក។ អ្នកជំងឺម្នាក់ ជាអ្នកខេត្តកណ្តាល។ អ្នកវិជ្ជមានកូវីដ-១៩ សរុបនៅខេត្តកំពង់ធំ មានចំនួន ១២៥០នាក់ ក្នុងនោះ៧១៧នាក់ បានជាសះស្បើយ ២០នាក់បានស្លាប់ និងអ្នកកំពុងសម្រាកព្យាបាលមានចំនួន៥១៣នាក់។

 

 

អ្នកជំងឺចំនួន ១៥នាក់បានជាសះស្បើយ ខណៈអ្នកឆ្លងថ្មីមានចំនួន ១០នាក់បន្ថែមទៀត។ ក្នុងចំណោមអ្នកឆ្លងថ្មីទាំង ១០នាក់នោះមាន ៦នាក់ជាអ្នករស់នៅក្រុងស្ទឹងត្រែង, ១នាក់នៅស្រុកបូរីអូរស្វាយសែនជ័យ, ១នាក់នៅស្រុកសេសាន,១នាក់នៅស្រុកសៀមបូក និង១នាក់ទៀតនៅស្រុកថាឡាបរិវ៉ាត់។ បច្ចុប្បន្ន ខេត្តស្ទឹងមានអ្នកវិជ្ជមានកូវីដ-១៩ សរុប ៤២០នាក់ ក្នុងនោះមាន១២៧នាក់បានជាសះស្បើយ ខណៈអ្នកជំងឺដែលនៅសម្រាកព្យាបាលមានចំនួន ៣០៣នាក់។

  

 

មនុស្ស៤នាក់ មានតេស្តវិជ្ជមានកូវីដ-១៩ ក្នុងនោះមានកុមារ២នាក់។ អ្នកឆ្លងថ្មី២នាក់ មានទីលំនៅក្នុងភូមិហ្មសែត សង្កាត់ប៉ាលហាល ក្រុងព្រះវិហារ និង២នាក់ទៀត រស់នៅភូមិស្រអែមខាងជើង ឃុំស្រអែម ស្រុកជាំក្សាន្ត ខេត្តព្រះវិហារ។ ជាមួយគ្នានេះ អាជ្ញាធរក៏ប្រកាសករណីជាសះស្បើយចំនួន ៨នាក់ផងដែរ។  គិតត្រឹមថ្ងៃទី១២ កក្កដា ខេត្តព្រះវិហារ រកឃើញអ្នកឆ្លងកូវីដ-១៩ សរុប ២៣២នាក់ ក្នុងនោះ៨៤នាក់បានជាសះស្បើយ ស្លាប់១នាក់ និងអ្នកកំពុងសម្រាកព្យាបាលមាន ១៤៨នាក់។