អាជ្ញាធរខេត្តកោះកុង បន្តរកឃើញអ្នកវិជ្ជមានកូវីដ-១៩ ចំនួន៩១នាក់ទៀត ខណៈអ្នកសះស្បើយមានចំនួន៨៩នាក់។ ចំពោះអ្នកដែលទើបវិជ្ជមាន គឺជាពលរដ្ឋដែលរស់នៅក្រុងខេមរភូមិន្ទ ស្រុកមណ្ឌលសីមា, បូទុមសាគរ, ព្រៃនប់, កំពង់សិលា,ថ្មបាំង, ស្រែអំបិល និងស្រុកគិរីសាគរ។ 

 

កំពង់ចាម៖ មាន៨៩នាក់បន្ថែម សះស្បើយ១១៣នាក់ និងស្លាប់៥នាក់
 

មនុស្សចំនួន ៨៩នាក់ បន្ថែមបានឆ្លងកូវីដ-១៩ ខណៈអ្នកជាសះស្បើយមានចំនួន ១១៣នាក់ និងអ្នកស្លាប់ចំនួន ៥នាក់។ ក្នុងចំណោមអ្នកដែលវិជ្ជមាននោះ មានពលរដ្ឋនៅក្រុងកំពង់ចាម, ស្រុកចំការលើ កំពង់សៀម ព្រៃឈរ កងមាស  ស្ទឹងត្រង់ បាធាយ  កោះសូទិន  ស្រីសន្ធរ និងស្រុកជើងព្រៃ។ អ្នកវិជ្ជមាន៩នាក់ ជាអ្នកខេត្តត្បូងឃ្មុំ, ២នាក់នៅរាជធានីភ្នំពេញ, មកពីខេត្តស្វាយរៀង១នាក់ និង១នាក់ជាអ្នកខេត្តកំពង់ធំ។ 
 

ករណីស្លាប់ទាំង៥នាក់ មានស្ត្រី៤នាក់ និងបុរសម្នាក់។ បុរសដែលស្លាប់ មានវ័យ៥៥ឆ្នាំ រស់នៅភូមិតាមាង ឃុំកោះរកា ស្រុកកំពង់សៀម ។ ស្ត្រីវ័យ ៣៨ឆ្នាំ រស់នៅភូមិតាកេរ ឃុំគរ ស្រុកព្រៃឈរ។ ស្ត្រីវ័យ៧១ឆ្នាំ រស់នៅភូមិភ្នំដិល ឃុំតាំងក្រាំង ស្រុកបាធាយ។ ស្ត្រីវ័យ ៥៧ឆ្នាំ រស់នៅភូមិអង្គបានទី៥ ឃុំអង្គបាន ស្រុកកងមាស និងស្ត្រីវ័យ៥៥ឆ្នាំ រស់នៅភូមិសូទិព្វ ឃុំសូទិព្វ ស្រុកជើងព្រៃ ខេត្តកំពង់ចាម។

 

 

អ្នកជំងឺចំនួន ៦៩នាក់ បានជាសះស្បើយ ខណៈអ្នកវិជ្ជមានកូវីដ-១៩ មានចំនួន៤៣នាក់បន្ថែម។ អ្នកដែលទើបឆ្លងនោះ មានពលរដ្ឋដែលរស់នៅក្រុងសួង ស្រុកត្បូងឃ្មុំ អូររាំងឪ មេមត់ តំបែរ ពញាក្រែក និងស្រុកក្រូចឆ្មារ។ អ្នកវិជ្ជមាន២នាកជាអ្នកភ្នំពេញ។ 

 

កំពត៖ ៣២ករណីថ្មី ក្នុងនោះមានកុមារ ៥នាក់
 

ពលរដ្ឋ ៣២នាក់ទៀត មានតេស្តវិជ្ជមានកូវីដ-១៩ ក្នុងនោះមានកុមារចំនួន៥នាក់។ អ្នកដែលឆ្លងថ្មីនោះគឺជា កសិករ សិស្ស អ្នកនៅផ្ទះ កងរាជអាវុធហត្ថ មន្ត្រីរាជការ និងបុគ្គលិកក្រុមហ៊ុន។ អ្នកវិជ្ជមាន ៥នាក់ រស់នៅស្រុកកំពង់ត្រាច, ១១នាក់នៅក្រុងកំពត, ២នាក់នៅស្រុកជុំគិរី, ៤នាក់នៅស្រុកឈូក និង៨នាក់ទៀតនៅស្រុកទឹកឈូ។ អ្នកជំងឺ ម្នាក់មកពីខេត្តតាកែវ និងម្នាក់ទៀតមកពីខេត្តកំពង់ចាម។ បច្ចុប្បន្ន ខេត្តកំពត រកឃើញអ្នកឆ្លងកូវីដ-១៩ សរុប ២៤៦០នាក់ ក្នុងនោះ១៥៧២នាក់ បានជាសះស្បើយ, ២៧នាក់ស្លាប់ និង៨៦១នាក់ កំពុងសម្រាកព្យាបាល។
 

ករណីទូទាំងប្រទេស៖ ឆ្លងថ្មី៩៩៦នាក់, ស្លាប់ ៣៩នាក់ ជា ៨១៣នាក់
 

ក្រសួងសុខាភិបាល នៅថ្ងៃទី១៥ ខែកក្កដានេះ បានប្រកាសរកឃើញមនុស្សចំនួន ៩៩៦នាក់ទៀត វិជ្ជមានកូវីដ-១៩ ក្នុងនោះ១៦៧នាក់ជាករណីនាំចូល។ ចំណែកអ្នកស្លាប់មានដល់ទៅ ៣៩នាក់ ដែលជាចំនួនស្លាប់ប្រចាំថ្ងៃខ្ពស់បំផុត និងដែលធ្វើចំនួន ស្លាប់សរុបនៅកម្ពុជា កើនជាង១ពាន់នាក់។ អ្នកជាសះស្បើយបន្ថែម មានចំនួន ៨១៣នាក់។ 

មកទល់ពេលនេះ កម្ពុជាមានអ្នកឆ្លងកូវីដ-១៩ សរុប ៦៤,៦១១នាក់ ក្នុងនោះ ៥,៥១៤នាក់ ជាករណីនាំចូល។ អ្នកជាសះស្បើយមាន ៥៦,១៧៨ នាក់ និងស្លាប់សរុប ១,០២៥នាក់៕