កីឡាជាតិ
ជាតិ
មីយ៉ាន់ម៉ាដេញគ្រូបង្វឹកក្រុមបាល់ទាត់ជម្រើសជាតិក្រោយចាញ់ឥណ្ឌូនេស៊ី
ដោយ: រួបរួម
បរាជ័យរបស់ក្រុម U23 មីយ៉ាន់ម៉ា ដោយសារឥណ្ឌូនេស៊ី ១-០ កាលពីរាត្រីថ្ងៃចន្ទ បាននាំឲ្យសហព័ន្ធកីឡាបាល់ទាត់មីយ៉ាន់ម៉ា សម្រេចចិត្តបណ្តេញគ្រូបង្វឹក Park Sung Wha ចេញពីតំណែង។ បរាជ័យរបស់ម្ចាស់ផ្ទះ បានធ្វើឲ្យពួកគេបាត់ឱកាសក្នុងការដណ្តើមយកមេដាយក្នុងព្រឹត្តិការណ៍កីឡាស៊ីហ្គេមលើកទី២៧។
យោងតាមគេហទំព័រផ្លូវការរបស់ស៊ីហ្គេមលើកទី២៧ ការបណ្តេញគ្រូបង្វឹកកូរ៉េខាងត្បូង Park គឺត្រូវបានធ្វើឡើងពីរសប្តាហ៍ប៉ុណ្ណោះ មុនពេលដែលកិច្ចសន្យាពីរឆ្នាំរបស់លោកជាមួយសហព័ន្ធនឹងត្រូវបានបញ្ចប់។
លោក U Soe Moe Kyaw អ្នកចាត់ការក្រុម U23 មីយ៉ាន់ម៉ា បានបញ្ជាក់ឲ្យដឹងផងដែរថា លោក Park បានទទួលខុសត្រូវចំពោះលទ្ធផលដែលបានកើតឡើង ហើយលោកក៏បានលាលែងដោយស្ម័គ្រចិត្តផងដែរ។
លោក Park Saung Hwa បានចូលរួមជាមួយក្រុមមីយ៉ាន់ម៉ា កាលពីខែតុលា ឆ្នាំ២០១១។ កិច្ចសន្យារបស់លោកជាមួយសហព័ន្ធកីឡាបាល់ទាត់មីយ៉ាន់ម៉ាគឺត្រូវបានរៀបចំដោយស្ថានកុងស៊ុលនៃសាធារណរដ្ឋកូរ៉េ។ យោងតាមកិច្ចព្រមព្រៀង សហព័ន្ធជាអ្នកចេញថ្លែការហូបចុក និងការស្នាក់នៅ ខណៈក្រុមហ៊ុនកូរ៉េខាងត្បូង Myanmar Posco ទទួលបន្ទុកលើប្រាក់ខែ៕
យោងតាមគេហទំព័រផ្លូវការរបស់ស៊ីហ្គេមលើកទី២៧ ការបណ្តេញគ្រូបង្វឹកកូរ៉េខាងត្បូង Park គឺត្រូវបានធ្វើឡើងពីរសប្តាហ៍ប៉ុណ្ណោះ មុនពេលដែលកិច្ចសន្យាពីរឆ្នាំរបស់លោកជាមួយសហព័ន្ធនឹងត្រូវបានបញ្ចប់។
លោក U Soe Moe Kyaw អ្នកចាត់ការក្រុម U23 មីយ៉ាន់ម៉ា បានបញ្ជាក់ឲ្យដឹងផងដែរថា លោក Park បានទទួលខុសត្រូវចំពោះលទ្ធផលដែលបានកើតឡើង ហើយលោកក៏បានលាលែងដោយស្ម័គ្រចិត្តផងដែរ។
លោក Park Saung Hwa បានចូលរួមជាមួយក្រុមមីយ៉ាន់ម៉ា កាលពីខែតុលា ឆ្នាំ២០១១។ កិច្ចសន្យារបស់លោកជាមួយសហព័ន្ធកីឡាបាល់ទាត់មីយ៉ាន់ម៉ាគឺត្រូវបានរៀបចំដោយស្ថានកុងស៊ុលនៃសាធារណរដ្ឋកូរ៉េ។ យោងតាមកិច្ចព្រមព្រៀង សហព័ន្ធជាអ្នកចេញថ្លែការហូបចុក និងការស្នាក់នៅ ខណៈក្រុមហ៊ុនកូរ៉េខាងត្បូង Myanmar Posco ទទួលបន្ទុកលើប្រាក់ខែ៕
© រក្សាសិទ្ធិដោយ thmeythmey.com
