កម្ពុជាបង្កើតក្រុមការងារសិក្សាស្រាវជ្រាវរកឱសថ និងបរិក្ខារទប់ស្កាត់កូវីដ-១៩

COVID-19

ជាតិ

កម្ពុជាបង្កើតក្រុមការងារសិក្សាស្រាវជ្រាវរកឱសថ និងបរិក្ខារទប់ស្កាត់កូវីដ-១៩

30, Jul 2021 , 1:18 pm

រូបភាព

លោកស្រី ពេជ ចន្ទមុន្នី អនុប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA)

ដោយ: រួបរួម

សម្តេចនាយករដ្ឋមន្ត្រី ហ៊ុន សែន នាថ្ងៃទី៣០ ខែកក្កដា បានចេញសេចក្តីសម្រេចស្តីពីការបង្កើតក្រុមការងារសិក្សា និងស្រាវជ្រាវរកឱសថ និងបរិក្ខារសម្រាប់ប្រយុទ្ធប្រឆាំងកូវីដ-១៩។ ក្រុមការងារដែលចំណុះឲ្យគណៈកម្មការអន្តរក្រសួងដើម្បីប្រយុទ្ធកូវីដ-១៩ នេះ ដឹកនាំដោយលោកស្រី ពេជ ចន្ទមុន្នី អនុប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA)។

ក្នុងក្រុមការងារសិក្សា ស្រាវជ្រាវនេះ លោកស្រី ពេជ ចន្ទមុន្នី មានអនុប្រធាន៤នាក់ រួមមាន លោក ជាប សត្ថរតន៍ រដ្ឋលេខាធិការក្រសួងប្រៃសណីយ៍ និងទូរគមនាគមន៍ លោក សាផុន វឌ្ឍនៈ សាកលវិទ្យាធិការនៃសាកលវិទ្យាល័យវិទ្យាសាស្ត្រសុខាភិបាល លោក ងី ម៉េង ប្រធានមន្ទីរពេទ្យមិត្តភាពខ្មែរ-សូវៀត និងលោក ឈា ឆវណ្ណ នាយកវិទ្យាស្ថានជាតិសុខភាពសាធារណៈ។ រីឯសមាជិកក្រុមការងារមាន៩នាក់ទៀត។

តាមប្រការ២នៃសេចក្តីសម្រេច ក្រុមការងារ មានភារកិច្ចស្រាវជ្រាវ និងស្វែងករឱសថដែលមានប្រសិទ្ធភាពខ្ពស់ និងដែលបានប្រើប្រាស់សម្រាប់ការព្យាបាល ឬបង្ការកូវីដ-១៩។ ការងារពាក់ព័ន្ធផ្សេងៗទៀតមានដូចជា សិក្សាស្រាវជ្រាវ និងស្វែងរកឧបករណ៍តេស្តរកមេរោគកូវីដ-១៩ បរិក្ខាពេទ្យចាំបាច់ ទំនាក់ទំនងជាមួយក្រុមហ៊ុនផលិត និងបណ្តាញចែកចាយឱសថបរទេស ផ្តល់អនុសាសន៍លើការប្រើប្រាស់ឱសថ និងការងារស្នូលជាច្រើនទៀត។

រាល់ការចំណាយពាក់ព័ន្ធនឹងការសិក្សា ស្រាវជ្រាវរបស់ក្រុមការងារ ត្រូវប្រើកញ្ចប់ថវិកាជាតិ៕

នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤

6 ថ្ងៃ

«មជ្ឈការ»មានន័យខុសពី«វិមជ្ឈការ»ដូចម្តេច?

4 ថ្ងៃ

អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ

6 ថ្ងៃ

«ប្រេសិត»មានន័យដូចម្តេច?

5 ថ្ងៃ

គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ

1 ថ្ងៃ

អត្ថបទពេញនិយមបន្ថែម