ស៊ីហ្គេម៖ អត្តពលិកឆ្នើមប្រចាំឆ្នាំ២០១១ ប៉ាល់ ឆរស្មី បានមេដាយសំរិទ្ធ

កីឡាជាតិ

ជាតិ

ស៊ីហ្គេម៖ អត្តពលិកឆ្នើមប្រចាំឆ្នាំ២០១១ ប៉ាល់ ឆរស្មី បានមេដាយសំរិទ្ធ

20, Dec 2013 , 6:57 pm

រូបភាព

ប៉ាល់ ឆរស្មី ពេលឡើងទទួលមេដាយសំរិទ្ធ។ រូបថត ហ្វេសប៊ុក Bong Chhaom

ដោយ: អុឹង ចំរើន (Ung Chamroeun)

កីឡាការិនីវ៉ូវីណាម ប៉ាល់ ឆរស្មី ដែលត្រូវបានគណៈកម្មាធិការជាតិអូឡាំពិកកម្ពុជា ផ្តល់ងារជាអត្តពលិកឆ្នើមប្រចាំឆ្នាំ២០១១ នោះ ទទួលបានមេដាយសំរិទ្ធនៅថ្ងៃសុក្រនេះ លើវិញ្ញាសា Women’s Long Ho Quyen (Dragon Tiger Form)។ កាលពីស៊ីហ្គេមលើកទី២៦ ប៉ាល់ ឆរស្មី ដណ្តើមបានមេដាយមាស១ និងសំរិទ្ធ២។

សម្រាប់ការប្រកួតនៅថ្ងៃសុក្រនេះ ប៉ាល់ ឆរស្មី បានប្រជែងជាមួយកីឡាការិនីមកពី៤ប្រទេសទៀត ដោយកីឡាការិនីមីយ៉ាន់ម៉ា Khaing Wha Phue (២៧០ពិន្ទុ) បានមេដាយមាស កីឡាការិនីវៀតណាម Le Cam Xuan Hua (២៦៦ពិន្ទុ) បានមេដាយប្រាក់។

ប៉ាល់ ឆរស្មី ទទួលបានមេដាយសំរិទ្ធជាមួយនឹងការសម្រេចបាន ២៦១ពិន្ទុ ដោយនាំមុខកីឡាការិនីឡាវ និង ឥណ្ឌូនេស៊ី។

នៅថ្ងៃដដែល វ៉ូវីណាមកម្ពុជាដណ្តើមបានមេដាយសំរិទ្ធចំនួន២ទៀតលើវិញ្ញាសាជាក្រុម ក្នុងនោះរួមមាន កីឡាករ ជិន ពិសិដ្ឋ កីឡាករ ជ្រិន ប៊ុនឡុងលើវិញ្ញាសា Men's SONG LUYEN MA TAU(DUAL MACHETE FORM) និង កីឡាករ NOVET ASMAT លើវិញ្ញាសា ៥០-៥៥គីឡូក្រាម។

មកដល់ពេលនេះ វ៉ូវីណាមកម្ពុជាដណ្តើមបានមេដាយមាស១ និងសំរិទ្ធ៥ពីព្រឹត្តិការណ៍កីឡាស៊ីហ្គេមលើកទី២៧ នៅប្រទេសមីយ៉ាន់ម៉ា៕

តើពាក្យ «សិទ្ធិ, សិទ្ធ» ប្រើខុសគ្នាដូចម្តេច?

7 ថ្ងៃ

កម្ពុជា នឹងមានភ្លៀងធ្លាក់ ពីថ្ងៃទី៤-៦ឧសភា

1 សប្តាហ៍

«នាំអាត» និង«នាំអាទិ៍»មួយណាត្រឹមត្រូវ?

4 ថ្ងៃ

ការប្រឡងគ្រូអនុវិទ្យាល័យ នឹងរៀបចំ២ដំណាក់កាល ដើម្បីសម្រាំងយកបេក្ខជន៤៤១នាក់ប៉ុណ្ណោះ

1 សប្តាហ៍

អ្នកស្រី ឯម សិរីវុទ្ធី ចេញដំណើរពីស្វាយរៀងម៉ោង៣ទៀបភ្លឺ ជូនកូនមកប្រឡងគ្រូនៅភ្នំពេញ

6 ថ្ងៃ

អត្ថបទពេញនិយមបន្ថែម