សង្គមអន្តរជាតិ
អន្តរជាតិ
រូបភាព៖ AFP
×![]()
ដោយ: ធៀន ភារិន្ទ
ប៉ូលិសវៀតណាម នៅថ្ងៃទី១១ ខែសីហា បានចាប់ខ្លួនអាជីវករម្នាក់ ដែលធ្វើ និងលក់វិញ្ញាបនបត្រលទ្ធផលតេស្តអវិជ្ជមាននៃជំងឺកូវីដ-១៩។ ចំណាត់ការនេះ ធ្វើឡើងស្របពេលវៀតណាម កំពុងដាក់ចេញវិធានការទប់ស្កាត់ជំងឺឆ្លងសកលនៅក្នុងប្រទេស។ 
លោក Tran Tuan Duong មានវ័យ ៣៤ឆ្នាំ ត្រូវបានប៉ូលិសចាប់ខ្លួន ស្របពេលលោក កំពុងលក់វិញ្ញាបនបត្រលទ្ធផលតេស្តអវិជ្ជមាននៃជំងឺកូវីដ-១៩ ចំនួន ៦ច្បាប់ ក្នុងតម្លៃជាង ៤៤ដុល្លារ ឬ ១លានដុង។ បុរសនេះ រស់នៅក្នុងខេត្ត Bac Ninh ដែលស្ថិតនៅវៀតណាម ភាគខាងជើង។
តាមសេចក្តីថ្លែងការណ៍មួយរបស់ប៉ូលិសវៀតណាម នៅថ្ងៃទី១២ ខែសីហា លោក Duong កន្លងមកបានលក់វិញ្ញាបនបត្រលទ្ធផលតេស្តអវិជ្ជមាននៃជំងឺកូវីដ-១៩ ប្រមាណ ១៥០ច្បាប់ ក្នុងនោះរួមមានការធ្វើតេស្តដោយឧបករណ៍ PCR ផងដែរ។ យ៉ាងណាមិញ ប៉ូលិស កំពុងស៊ើបអង្កេតលើករណីនេះ បន្ថែមទៀត។
ចំណាត់ការខាងលើ ធ្វើឡើងស្របពេលវៀតណាម កំពុងដាក់ចេញវិធានការជាច្រើន ដើម្បីទប់ស្កាត់ករណីឆ្លងជំងឺកូវីដ-១៩ និងវីរុស ដែលបង្កជាជំងឺកូវីដ-១៩ ទម្រង់ដែលតា នៅក្នុងប្រទេស។ ក្រុង និងខេត្តជាច្រើន ត្រូវស្ថិតក្រោមវិធានរឹតត្បិត ខណៈករណីឆ្លងប្រចាំថ្ងៃ មានជាច្រើនពាន់ករណី។ នៅថ្ងៃទី១២ ខែសីហា វៀតណាម បានរាយការណ៍ករណីឆ្លងចំនួន ៩៦៨៤ករណី។ មកទល់ពេលនេះ វៀតណាម មានករណីឆ្លងសរុបចំនួនជាង ២៤ម៉ឺនករណី និងអ្នកស្លាប់មានចំនួនជាង ៤ពាន់នាក់៕
Tag:
វៀតណាម
កូវីដ-១៩
© រក្សាសិទ្ធិដោយ thmeythmey.com
