កីឡាជាតិ
ជាតិ
ស៊ន ដាវីន នាការប្រកួតផ្តាច់ព្រ័ត្រជាមួយហ្វីលីពីន។ រូបថត NagaWorld-Kem Sovanna
×![]()
ដាវីន យំឱប សៀវម៉ី ដែលជាប្អូនស្រី ក្រោយខកឱកាសបានមេដាយមាស។ រូបថត Ken Gadaffi
×![]()
កីឡាការិនីតេក្វាន់ដូ ស៊ន ដាវីន តាមរយៈគណនីហ្វេសប៊ុកផ្ទាល់ខ្លួន បានសម្តែងការសុំទោសជាសាធារណបន្ទាប់ពីខ្លួនបានប្រកួតចាញ់កីឡាការិនីហ្វីលីពីន Kirstie Elaine Alora ក្នុងការប្រកួតដណ្តើមយកមេដាយមាសលើប្រភេទទម្ងន់លើស៧៣គីឡូក្រាមនៅកីឡដ្ឋាន Wunna Theikdi នៅថ្ងៃសៅរ៍នេះ។
កីឡាការិនីវ័យ២១ឆ្នាំ ដែលមានកម្ពស់១,៨០ម៉ែត្ររូបនេះ បានសរសេរថា៖« ខ្ញុំ ស៑ន ដាវីន ពិតជាសុំទោសប្រជាជនខ្មែរទាំងអស់ដែលខ្ញុំមិនអាចយកមេដាយមាសបាន ហើយសុំទោសម៉ាក់ផងបើកូនប្រយ័ត្នតែបន្តិចកូននិងឈ្នះហើយ។ ហើយខ្ញុំនិយាយពាក្យមួយម៉ាត់ថាខ្ញុំដាវីនមិនអាចឈ្នះម្ចាស់មេដាយមាស៥ជំនាន់បានទេ»។
ដាវីន បានចាប់ផ្តើមជាមួយនឹងការនាំមុខ ៣ពិន្ទុ ប៉ុន្តែភ្លាត់ស្នៀតបានធ្វើឲ្យកីឡាការិនី ហ្វីលីពីន នាំមុខ ៥-៣ វិញ ។ ការប្រឹងវាយបកយ៉ាងណាក៏ដោយ ក៏ដាវីន មិនស្វែងរកជ័យជម្នះបានឡើយ ខណៈគូប្រជែងបាននាំមុខ ៦-៤ រហូតដល់បញ្ចប់ការប្រកួត។
ទោះបីជាយ៉ាងណាក៏ដោយ ស៊ន ដាវីន ដែលតំណាងឲ្យកម្ពុជាក្នុងការប្រកួតកីឡាអូឡាំពិកកន្លងមក នៅអាចរក្សាការទទួលបានមេដាយប្រាក់ពីព្រឹត្តិការណ៍កីឡាស៊ីហ្គេមដូចកាលពីឆ្នាំ២០១១។
តេក្វាន់ដូ បានបញ្ចប់យុទ្ធនាការរបស់ខ្លួនហើយក្នុងព្រឹត្តិការណ៍កីឡាស៊ីហ្គេមនៅទីក្រុងណៃពីដរ ជាមួយនឹងការទទួលបានមេដាយមាស១ (កីឡាការិនី ស៊ន សៀវម៉ី) មេដាយប្រាក់២ (កីឡាការិនី ស៊ន ដាវីន និងកីឡាការិនី ម៉ៅ សុផល) និងមេដាយសំរិទ្ធ២ (កីឡាការិនី ឈឿង ពុទ្ធារីម និងកីឡាការិនី ឈឿង លីណា)៕
កីឡាការិនីវ័យ២១ឆ្នាំ ដែលមានកម្ពស់១,៨០ម៉ែត្ររូបនេះ បានសរសេរថា៖« ខ្ញុំ ស៑ន ដាវីន ពិតជាសុំទោសប្រជាជនខ្មែរទាំងអស់ដែលខ្ញុំមិនអាចយកមេដាយមាសបាន ហើយសុំទោសម៉ាក់ផងបើកូនប្រយ័ត្នតែបន្តិចកូននិងឈ្នះហើយ។ ហើយខ្ញុំនិយាយពាក្យមួយម៉ាត់ថាខ្ញុំដាវីនមិនអាចឈ្នះម្ចាស់មេដាយមាស៥ជំនាន់បានទេ»។
ដាវីន បានចាប់ផ្តើមជាមួយនឹងការនាំមុខ ៣ពិន្ទុ ប៉ុន្តែភ្លាត់ស្នៀតបានធ្វើឲ្យកីឡាការិនី ហ្វីលីពីន នាំមុខ ៥-៣ វិញ ។ ការប្រឹងវាយបកយ៉ាងណាក៏ដោយ ក៏ដាវីន មិនស្វែងរកជ័យជម្នះបានឡើយ ខណៈគូប្រជែងបាននាំមុខ ៦-៤ រហូតដល់បញ្ចប់ការប្រកួត។
ទោះបីជាយ៉ាងណាក៏ដោយ ស៊ន ដាវីន ដែលតំណាងឲ្យកម្ពុជាក្នុងការប្រកួតកីឡាអូឡាំពិកកន្លងមក នៅអាចរក្សាការទទួលបានមេដាយប្រាក់ពីព្រឹត្តិការណ៍កីឡាស៊ីហ្គេមដូចកាលពីឆ្នាំ២០១១។
តេក្វាន់ដូ បានបញ្ចប់យុទ្ធនាការរបស់ខ្លួនហើយក្នុងព្រឹត្តិការណ៍កីឡាស៊ីហ្គេមនៅទីក្រុងណៃពីដរ ជាមួយនឹងការទទួលបានមេដាយមាស១ (កីឡាការិនី ស៊ន សៀវម៉ី) មេដាយប្រាក់២ (កីឡាការិនី ស៊ន ដាវីន និងកីឡាការិនី ម៉ៅ សុផល) និងមេដាយសំរិទ្ធ២ (កីឡាការិនី ឈឿង ពុទ្ធារីម និងកីឡាការិនី ឈឿង លីណា)៕
© រក្សាសិទ្ធិដោយ thmeythmey.com
