លោក Gorsky កាន់តួនាទីជាអគ្គនាយកក្រុមហ៊ុនសហគ្រាសដ៏ធំនៅអាម៉េរិកមួយនេះ តាំងពីឆ្នាំ២០១២ មក ហើយបានសម្រេចលាលែងពីតំណែងដោយសារហេតុផលសុខភាពគ្រួសារ។ ទោះបីជាយ៉ាងណាក៏ដោយ លោកនៅតែបន្តតួនាទីក្នុងការងារគ្រប់គ្រងប្រតិបត្តិ។ 

 

អ្វីដែលគួរឲ្យកត់សម្គាល់នោះ លោក Gorsky បានដឹកនាំក្រុមហ៊ុនក្នុងការស្រាវជ្រាវផលិតវ៉ាក់សាំងបង្ការកូវីដ-១៩ ដែលចាក់តែមួយដូស។ ជាមួយនឹងភាពជោគជ័យ ក្រុមហ៊ុន Johnson & Johnson ក៏បានជួបរឿងក្តីក្តាំមួយចំនួនផងដែរ ទាក់ទងនឹងផលិតផលឱសថរបស់ខ្លួន។

 

លោក Duato ដែលបច្ចុប្បន្ន ជាអនុប្រធាននៃគណៈកម្មការប្រតិបត្តិក្រុមហ៊ុន ក៏នឹងចូលរួមក្នុងគណៈកម្មការនាយកផងដែរ។ «ខ្ញុំមានមោទកភាពណាស់ចំពោះការផ្តល់ទំនុកចិត្តសម្រាប់តំណែង CEO របស់ Johnson & Johnson នាពេលខាងមុខ»។

 

លោកបានសន្យាប្តឹងប្រែងរួមចំណែកដោះស្រាយវិបត្តិសុខាភិបាលនៅលើពិភពលោកដែលកំពុងប្រឈមដោយសារជំងឺរាលត្បាតសាកលកូវីដ-១៩៕