របាយការណ៍បាន​បង្ហាញថា ករណីគ្រោះថ្នាក់ និង​អ្នក​រងរបួសក្នុងខែសីហា មាន​ការថយ​ចុះ បើ​ប្រៀបធៀបទៅនឹងខែកក្កដា ប៉ុន្តែអ្នកស្លាប់​មាន​១២៣នាក់ ដែល​កើន​រហូត​ដល់​១៦នាក់។

 

អ្វី​ដែល​គួរឲ្យ​កត់សម្គាល់នោះ កំណើនអ្នកស្លាប់ដោយគ្រោះថ្នាក់ចរាចរណ៍ក្នុងខែសីហា ដោយសារតែមាន​ករណីធ្វើ​ដំណើរ​នៅក្នុងឱកាសនៃពិធីសែនក្បាលទឹក ដែល​មានជនរងគ្រោះស្លាប់១៥នាក់ និង​របួស ៣២នាក់ រួមទាំង​ការធ្វើដំណើរនៅ រៀងរាល់ថ្ងៃចុងសប្ដាហ៍ បន្ទាប់ពីស្ថានភាពជំងឺកូវីដ-១៩ បានថមថយ។

 

អត្រាគ្រោះថ្នាក់ចរាចរណ៍ក្នុងខែសីហា ឆ្នាំ២០២១នេះ បើប្រៀបធៀបនឹងរយៈពេល​ដូចគ្នាកាលពី​ឆ្នាំមុន ឆ្នាំ គឺបានថយចុះចំនួន៧៩លើក ស្មើនឹង ២០ភាគរយ និងរបួសបានថយចុះចំនួន១៩៩នាក់ ស្មើនឹង៤៥ភាគ រយ គឺកើនតែអ្នកស្លាប់ចំនួន២ នាក់ស្មើនឹង២ភាគរយ។

 

«ខ្ញុំសូមអំពាវនាវដោយទទូច ដល់បងប្អូនជនរួមជាតិទាំងអស់ សូមមានស្មារតីគោរព និងអនុវត្តច្បាប់ស្ដីពីចរាចរណ៍ផ្លូវគោកឱ្យបានគ្រប់ពេលវេលានៃការធ្វើដំណើរលើដងផ្លូវ និងសូមមានស្មារតីប្រុងប្រយ័ត្ន បើកបរមានការយោគយល់អធ្យាស្រ័យឱ្យគ្នា ដើម្បីការពារសេចក្ដីសុខខ្លួនយើង អ្នកដំណើរផ្សេងទៀតលើដងផ្លូវ ដើម្បីចៀសផុតពីគ្រោះថ្នាក់»។ នេះការសំណូមពរ​របស់សម្តេច ស ខេង ហើយថែមទាំងក្រើនរំលឹកមន្ត្រីបន្តអនុវត្តច្បាប់ដោយគ្មាន​ការយោគយល់៕