វត្តបទុមគង្គា ហៅវត្តព្រែកដាច់ ឆ្នាំនេះពុំបានរៀបចំកម្មវិធីបោះបាយបិណ្ឌ រាប់បាត្រ និងសម្ដែងព្រះធម៌ទេសនាឡើយ គឺដើម្បីកាត់បន្ថយការជួបជុំ ក្នុងបំណងចូលរួមទប់ស្កាត់ការឆ្លងរាលដាលជំងឺកូវីដ-១៩។ 
 

រីឯវត្តឥន្ទនិម្មិត ហៅវត្តព្រែតូច រៀបចំកម្មវិធីបុណ្យតាមធម្មតា។ វត្តដែលមានពុទ្ធបរិស័ទនាំយកចង្ហាន់ និងទេយ្យទានទៅប្រគេនព្រះសង្ឃច្រើននេះ បានដាក់ម៉ាស៊ីវាស់កម្ដៅ និងដាក់អាល់កុលលាងដៃនៅខាងមុខសាលាឆាន់តែម្ដង ។ 


 

ចំណែកឯវត្តព្រែកទម្លាប់វិញ កាន់តែមានពុទ្ធបរិស័ទទៅវត្តច្រើន។ បើទោះបីជាពុទ្ធបរិស័ទពាក់ម៉ាសការពារភាគច្រើនលើសលុប ហើយវត្តមានអាល់កុលនិងម៉ាស៊ីនវាស់កម្ដៅក៏ពិតមែន ប៉ុន្តែវត្តនេះពុទ្ធបរិស័ទពុំបានរក្សាគម្លាត់បានត្រឹមត្រូវឡើយ ដោយមនុស្សនៅអង្គុយពេញទាំងសាលាឆាន់ រហូតហៀរចេញក្រៅសាលាឆាន់ថែមទៀតផង។ ក្នុងនោះមានវត្តនិងមណ្ឌលវិបស្សនា២ទៀត ពុំសូវជាមានមនុស្សច្រើនឡើយ។
 

សូមបញ្ជាក់ថា ការសង្កេតមើលតាមវត្តទាំង៥ខាងលើ គឺនៅក្នុងម៉ោងខុសគ្នា ដោយចាប់ពីម៉ោង៥ទៀបភ្លឺរហូតដល់ម៉ោងជាង៨ព្រឹក។