កីឡាជាតិ
ជាតិ
បាល់ទាត់លីកយុវជនឆ្នាំ២០១៣ ដល់វគ្គផ្ដាច់ព្រ័ត្រហើយនៅរសៀលនេះ រូបថតដោយ កឹម សុវណ្ណា
× ពានរង្វាន់បាល់ទាត់យុវជនក្រោមអាយុ ១៥ ឆ្នាំ និង ១៧ឆ្នាំ បានឈានដល់វគ្គផ្ដាច់ព្រ័ត្រហើយនៅរសៀលថ្ងៃទី ២៩ ខែធ្នូ ២០១៣ នេះ ដោយក្រុមខេត្តស្វាយរៀង ត្រូវដណ្ដើមជើងឯក U17 ជាមួយក្រុម ភ្នំពេញក្រោន នៅវេលាម៉ោង ១:៣០ នាទីរសៀល។ ចំណែកក្រុមអាកាសចរស៊ីវិល នឹងត្រូវដណ្ដើមជើងឯកលីក U15 ជាមួយក្រុមភ្នំពេញក្រោន នៅម៉ោង ៣:៣០ រសៀល នៅពហុកីឡដ្ឋានជាតិ។
ចំពោះលីក U15 មុននឹងឈានដល់វគ្គនេះ មានក្រុមចូលរួមប្រកួតចំនួន ៨ក្រុម ដោយត្រូវប្រកួតសន្សំពិន្ទុយក៤ក្រុម ដែលមានពិន្ទុច្រើនជាងគេនឹងត្រូវឡើងមកប្រកួតក្នុងវគ្គពាក់កណ្ដាលផ្ដាច់ព្រ័ត្រ។ កាលពីវគ្គពាក់កណ្ដាលផ្ដាច់ព្រ័ត្រ ក្រុម ភ្នំពេញក្រោន ធ្លាប់បានយកឈ្នះ ក្រុមបឹងកេត ២ ទល់ ០ ខណៈក្រុម អាកាសរចស៊ីវិលធ្លាប់យកឈ្នះ ក្រុម ខេត្តស្វាយរៀង ៤ ទល់០។
ចំណែកលីក U17 មានក្រុមចំនួន ៥ ក្រុម ត្រូវប្រកួតជម្រុះដូចគ្នា ហើយក្រុម ខេត្តស្វាយរៀង បានឈ្នះក្រុមវេស្ទើន ៥ ទល់ ។ ដោយឡែកក្រុមភ្នំពេញក្រោន បានយកឈ្នះក្រុមយុវជនខេមរភូមិន្ទ ៥ ទល់ ០ កាលពីវគ្គ ៤ ក្រុមចុងក្រោយ។
លីក យុវជនទាំង ២ ប្រភេទអាយុនេះបានចាប់ផ្ដើមប្រកួតតាំងពីថ្ងៃទី២៩ ខែកញ្ញា មកម្ល៉េះ ក្រោមការបង្កើតនិងសម្របសម្រួលដោយសហព័ន្ធកីឡាបាល់ទាត់កម្ពុជា ក្នុងគោលបំណងបណ្ដុះថ្នាលយុវជនឱ្យបានច្រើន៕ © រក្សាសិទ្ធិដោយ thmeythmey.com