កីឡាអន្តរជាតិ
អន្តរជាតិ
Hull បានទទួលជ័យជម្នះលើ Fulham ជាកំណត់ត្រា Hull បានបញ្ចប់ការធ្លាក់ចុះទម្រង់លេងដ៏គួរឲ្យខកចិត្តមួយរបស់ពួកគេកាលពីថ្ងៃសៅរ៍ ខណៈដែលពួកគេបានកត់ត្រាលទ្ធផលដ៏ល្អបំផុតមិនធ្លាប់មានរបស់ពួកគេក្នុងក្របខ័ណ្ឌ Premier League ជាមួយនឹងជ័យជម្នះយ៉ាងចាស់ដៃក្នុងលទ្ធផល ៦-០ លើក្រុម Fulham។
Hull ដែលបានទទួលជ័យជម្នះតែពីរលើកគត់ចាប់តាំងពីខែកញ្ញានោះ បានស៊ុតបាល់បញ្ចូលទីទាំងអស់របស់ខ្លួនក្នុងតង់ទី២ដើម្បីឡើងឈរពីលើតំបន់កាត់ចោលចំនួន៧ពិន្ទុ ខណៈដែលក្រុមភ្ញៀវនៅតែស្ថិតក្នុងចំណាត់ថ្នាក់លេខរៀងទី១៧ដដែល ក្រោយពីខ្សែការពារបានធ្វើឲ្យពួកគេបាក់មុខម្តងទៀត។
Fulham បានបណ្តោយឲ្យមានគ្រាប់បាល់ស៊ុតបញ្ចូលទីរបស់ខ្លួន៤១គ្រាប់ ក្នុងចំណោម១៩ប្រកួត ដែលជាកំណត់ត្រាដ៏អាក្រក់បំផុតក្នុង Premier League ហើយត្រូវតែស្វែងរកលទ្ធផលវិជ្ជមានក្នុងការប្រកួតនៅផ្ទះខ្លួនឯងជាមួយនឹង West Ham និង Sunderland ក្នុងការប្រកួតបន្ទាប់របស់ពួកគេដើម្បីកាត់បន្ថយសម្ពាធផ្សេងៗ៕
លទ្ធផលកាលពីថ្ងៃសៅរ៍
ក្របខ័ណ្ឌអង់គ្លេស Premier League
West Ham 3-3 West Brom
Aston Villa 1-1 Swansea
Hull 6-0 Fulham
Man City 1-0 Crystal Palace
Norwich 0-1 Man Utd
Cardiff 2-2 Sunderland
ប្រែសម្រួលដោយ ផេង សំណាង © រក្សាសិទ្ធិដោយ thmeythmey.com