១. អាចបញ្ចុះសម្ពាធឈាម

 

បរិមាណនៃជាតិប៉ូតាស្យូមក្នុងទំពាំងមានប្រសិទ្ធភាពកាត់បន្ថយឥទ្ធិពលនៃជាតិសូដ្យូម។ ហើយភាគច្រើននៃពួកយើងសុទ្ធតែធ្លាប់បានដឹងហើយថាកម្រិតនៃជាតិសូដ្យូមខ្ពស់ជះផលប៉ះពាល់ដល់សម្ពាធឈាម។ ដូច្នេះការរក្សាបាននូវកម្រិតនៃជាតិប៉ូតាស្យូមគ្រប់គ្រាន់ក្នុងរាងកាយ គឺចាំបាច់ណាស់ដើម្បីគ្រប់គ្រងសម្ពាធឈាមមិនឱ្យឡើងខ្ពស់ខុសប្រក្រតី។ បន្ថែមពីនេះសារធាតុប្រឆាំងអុកស៊ីតកម្មផ្សេងទៀតក្នុងទំពាំងក៏ដើរតួនាទីចាំបាច់មួយក្នុងការទប់ស្កាត់ជំងឺលើសសម្ពាធឈាមគួរឱ្យកត់សម្គាល់ផងដែរ។

 

២. លក្ខណៈសម្បត្តិប្រឆាំងបាក់តេរីនិងមេរោគផ្សិត

 

ទំពាំងជាប្រភពនៃប្រូតេអ៊ីនពិសេសមួយប្រភេទហៅថា dendrocin មានប្រសិទ្ធិភាពអាចប្រឆាំងមេរោគផ្សិត Fusarium ដែលជាញឹកញយបង្កបញ្ហាពុលអាហារ។ ទំពាំងក៏មានលក្ខណៈសម្បត្តិ antimicrobial ប្រឆាំងបាក់តេរីនិងមេរោគផ្សិតដែលបង្កជំងឺផងដែរ។

 

៣. មានផ្ទុកសារធាតុប្រឆាំងអុកស៊ីតកម្ម

 

ទំពាំងមានផ្ទុកសារធាតុ polyphenols ដែលអាចកាត់បន្ថយការរលាកក្នុងរាងកាយនិងគ្រប់គ្រងប្រតិកម្មរបស់ប្រព័ន្ធភាពស៊ាំរាងកាយដើម្បីទប់ស្កាត់ជំងឺរ៉ាំរ៉ៃជាច្រើន។

 

៤. កាត់បន្ថយកម្រិតនៃកូឡេស្តេរ៉ូល

 

ជាតិសសៃក្នុងទំពាំងអាចកាត់បន្ថយកម្រិតនៃកូឡេស្តេរ៉ូល ជាពិសេសកូឡេស្តេរ៉ូលមិនល្អ (LDL)។ ជាតិសសៃក៏ជួយរក្សាជាតិខ្លាញ់សុខភាពល្អនិងធ្វើឱ្យមុខងារពោះវៀនកាន់តែមានលក្ខណៈប្រសើរឡើងផងដែរ។

 

៥. ធ្វើឱ្យសុខភាពពោះវៀនមានលក្ខណៈប្រសើរឡើង

 

ជាតិសសៃក្នុងទំពាំងជួយបង្កើនការលូតលាស់នៃបាក់តេរីល្អក្នុងពោះវៀន។ ជាលទ្ធផលជួយរក្សាសុខភាពពោះវៀនល្អប្រសើរ និងសម្រួលការរំលាយអាហារ។

 

៦. គាំទ្រដល់ការស្រកទម្ងន់

 

បរិមាណនៃជាតិសសៃខ្ពស់ ប៉ុន្តែកាឡូរីទាបក្នុងទំពាំង គឺល្អណាស់សម្រាប់អ្នកចង់ស្រកទម្ងន់។ បន្លែនេះក៏ជាប្រភពដ៏ល្អបំផុតនៃវីតាមីន B6 វីតាមីន thiamine វីតាមីន riboflavin, អាស៊ីត pantothenic និង niacin ដែលសុទ្ធតែមានសារៈសំខាន់សម្រាប់រក្សាភាពសកម្មនៃអង់ស៊ីមកោសិកានិងមុខងាររំលាយអាហារ។ បន្ថែមពីនេះជាតិសសៃជួយឱ្យអ្នកឆ្អែតបានយូរទប់ស្កាត់ការញ៊ាំច្រើនលើសកម្រិតដែលមានឥទ្ធិពលលើទម្ងន់រាងកាយ។

 

កំណត់សម្គាល់៖ នេះជាអត្ថបទស្រាវជ្រាវដែលមានបំណងផ្តល់ជូននូវព័ត៌មាន និងចែករំលែកចំណេះដឹង មិនមែនសម្រាប់ជំនួសឱ្យការព្យាបាលដោយគ្រូពេទ្យជំនាញតែម្ដងឡើយ។ វេបសាយសុខភាព Health.com.kh មិនទទួលខុសត្រូវចំពោះការព្យាបាលដោយខ្លួនឯងតាមអត្ថបទខាងលើនោះទេ។ ក្នុងករណីមានបញ្ហាសុខភាព ឬការសង្ស័យពាក់ព័ន្ធណាមួយ សូមធ្វើការណាត់ជួបពិគ្រោះជាមួយគ្រូពេទ្យជំនាញដើម្បីទទួលការពិនិត្យនិងព្យាបាលឱ្យបានត្រឹមត្រូវទើបប្រសើរ៕

 

ត្រួតពិនិត្យ​ដោយ www.health.com.kh