លោក ហ៊ុន ម៉ាណែត នាំប្រាក់រង្វាន់ឱពុកម្តាយជាង៤០ម៉ឺនដុល្លារជូនដល់ជ័យលាភីស៊ីហ្គេម

កីឡាជាតិ

ជាតិ

លោក ហ៊ុន ម៉ាណែត នាំប្រាក់រង្វាន់ឱពុកម្តាយជាង៤០ម៉ឺនដុល្លារជូនដល់ជ័យលាភីស៊ីហ្គេម

01, Jan 2014 , 12:18 pm

រូបភាព

ដោយ:

កាលពីល្ងាចមិញ លោក ហ៊ុន ម៉ាណែត កូនប្រុសច្បងរបស់លោកនាយករដ្ឋមន្ត្រី ហ៊ុន សែន បាននាំយកទឹកប្រាក់ចំនួន៤០៣ ៩០០ដុល្លារអាមេរិក ដើម្បីចែកជូនដល់ជ័យលាភីដែលដណ្តើមបានមេដាយពីព្រឹត្តិការណ៍កីឡាស៊ីហ្គេមលើកទី២៧នៅក្នុងប្រទេសមីយ៉ាន់ម៉ា។ ប្រាក់រង្វាន់ទាំងនេះ គឺជាការសន្យារបស់លោកនាយករដ្ឋមន្ត្រី ហ៊ុន សែន និងភរិយា។

ពិធីប្រគល់រង្វាន់កាលពីល្ងាចថ្ងៃអង្គារ ទី៣១ ខែធ្នូ ម្សិលមិញនេះ បានប្រព្រឹត្តទៅនៅទីស្នាក់ការគណៈកម្មាធិការជាតិអូឡាំពិក (NOCC) ដោយមានការចូលរួមផងដែរពីសំណាក់លោក ថោង ខុន ប្រធាន NOCC និងថ្នាក់ដឹកនាំក្រសួងអប់រំ យុវជន និងកីឡា។

យោងតាមលោក ថោង ខុន ទឹកប្រាក់ទាំងអស់នេះគឺជាការលើកទឹកចិត្តដល់ក្រុមកីឡាករកីឡាការិនីកម្ពុជាដែលបានខិតខំប្រឹងប្រែងស្វែងរកមេដាយជូនជាតិមាតុភូមិ ក៏ដូចជាជម្រុះឱ្យខិតខំបន្ថែមនៅប្រកួតលើកក្រោយៗ ទៀត។

កម្ពុជាដណ្តើមបានមេដាយចំនួន៤៧ ដែលក្នុងនោះមានមេដាយមាស៨ ប្រាក់១១ និងសំរិទ្ធ២៩ ។ សម្រាប់ប្រាក់រង្វាន់ដែលត្រូវទទួលបាន គឺគិតតាមចំនួនមនុស្ស មិនថា ជាឯកត្តជន ឬជាក្រុមនោះឡើយ។ ដូច្នេះទឹកប្រាក់ដែលត្រូវបានប្រគល់មានមេដាយមាសចំនួន១៤ មេដាយប្រាក់ចំនួន២៩ និងមេដាយសំរិទ្ធចំនួន៩២ ដែលសរុបទាំងអស់មាន១៣៥ ។

ចំណែកឯកីឡាករកីឡាការិនីដែលត្រូវទទួលបានទឹកប្រាក់រួមមានមេដាយមាស ម្នាក់ត្រូវទទួលបានថវិកាចំនួន ៥ ពាន់ដុល្លារ មេដាយប្រាក់ ៣ ពាន់ដុល្លារ និង មេដាយសំរឹទ្ធ ២ ពាន់ដុល្លារ។ គ្រូបង្វឹក និងគ្រួជំនួយក៏ត្រូវទទួលបានថវិកាពីនាយករដ្ឋមន្ត្រី និងភរិយាផងដែរ៕

តើពាក្យ «សិទ្ធិ, សិទ្ធ» ប្រើខុសគ្នាដូចម្តេច?

1 សប្តាហ៍

«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!

4 ម៉ោង

«នាំអាត» និង«នាំអាទិ៍»មួយណាត្រឹមត្រូវ?

4 ថ្ងៃ

អ្នកស្រី ឯម សិរីវុទ្ធី ចេញដំណើរពីស្វាយរៀងម៉ោង៣ទៀបភ្លឺ ជូនកូនមកប្រឡងគ្រូនៅភ្នំពេញ

7 ថ្ងៃ

ដំរីព្រៃ ដែលគេសង្គ្រោះចេញពីល្បាប់ភក់ ក្នុងដែនជម្រកសត្វព្រៃភ្នំព្រេច បានងាប់ហើយ

2 ថ្ងៃ

អត្ថបទពេញនិយមបន្ថែម