FORD LTD ត្រូវបានផលិតពីឆ្នាំ១៩៦៥ រហូតដល់ឆ្នាំ១៩៩១ សម្រាប់ទីផ្សារទ្វីបអាម៉េរិក និងប្រទេសអូស្ត្រាលីប៉ុណ្ណោះ។ ជំនាន់ទី២ ត្រូវបានផលិតពីឆ្នាំ១៩៦៩ ដល់ឆ្នាំ១៩៧៨ ក្នុងរោងចក្រផ្សេងៗ នៅប្រទេសកាណាដា និងសហរដ្ឋអាម៉េរិក។  LTD គឺជាប្រភេទ មិនមែនជាម៉ាកទេ។ ក៏ប៉ុន្តែពីដើមមានរូបសញ្ញា LTD ខាងឆ្វេង និងខាងស្ដាំ លើគ្រប់រថយន្ដ FORD LTD លក់នៅទ្វីបអាម៉េរិកខាងជើង។ មួយរយៈពេល រហូតដល់ចុងទសវត្សរ៍១៩៧០ ក្រុមហ៊ុន FORD មិនសូវបានប្រើរូបសញ្ញាឡូហ្គូរបស់ខ្លួនលើឡានទេ។ ខាងមុខ ខាងក្រោយ និងខាងក្នុង FORD LTD មានអក្សរ FORD ពិតមែន ប៉ុន្តែមិនមែនជានិមិត្តសញ្ញាទេ។

 

សូមបញ្ជាក់ថា នៅប្រទេសកម្ពុជា មានរថយន្ដ FORD LTD ជំនាន់ទី២នេះ ១គ្រឿងទៀត គឺនៅរមណីយដ្ឋានធម្មជាតិ ស្កាយលែន ដែលស្ថិតនៅភូមិវិហារសួគ៌ជើង ឃុំវិហារសួគ៌ ស្រុកខ្សាច់កណ្ដាល ខេត្តកណ្ដាល។ តាមការអង្កេត យើងដឹងថា ប្រហែលជាឡានទាំង២នេះ មានប្រភពតែមួយ។ លោក FORD Henry បានបង្កើតក្រុមហ៊ុន FORD ឆ្នាំ១៩០៣ នៅសហរដ្ឋអាម៉េរិក៕