លីគ២៖ បន្ទាយមានជ័យ, ឬទ្ធីសែន, កោះកុង និងដង្កោសែនជ័យ បើកការប្រកួតក្នុងទឹកដី

កីឡាជាតិ

ជាតិ

លីគ២៖ បន្ទាយមានជ័យ, ឬទ្ធីសែន, កោះកុង និងដង្កោសែនជ័យ បើកការប្រកួតក្នុងទឹកដី

27, Nov 2021 , 7:59 am

រូបភាព

ជើងឯក២០២០ លីគ២

ដោយ: គឹម មករា

ក្រោយពីលីគកំពូលកម្ពុជា និងពានសម្ដេច ហ៊ុន សែន បានរកឃើញម្ចាស់ជើងឯក ក្រុមលីគ២កម្ពុជា (Cambodia League 2) ចាប់ផ្ដើមដំណើរការប្រកួតសប្តាហ៍ដំបូង នាវេលាម៉ោង៣រសៀល ថ្ងៃសៅរ៍ ទី២៧ ខែវិចិ្ឆកា នេះ នៅទីលាន៤ផ្សេងគ្នា។

ខេត្តបន្ទាយមានជ័យ ត្រូវប្រកួតជាមួយ មន្ទី អ.យ.ក ខេត្តត្បូងឃ្មុំ នៅទីលាន វិទ្យាល័យ ហ៊ុន សែន ខ្លាកូន ។ ក្លិបបាល់ទាត់ឬទ្ធិសែន ត្រូវប៉ះជាមួយ សាលាកីឡាបាល់ទាត់ជាតិ នៅកីឡដ្ឋានខេត្តកំពង់ឆ្នាំង ។

ស្របពេលដែរ កោះកុងធ្វើជាម្ចាស់ផ្ទះ ត្រូវទទួល U-21 កងយោធពលខេមរភូមិន្ទ នៅទីលានវិទ្យាល័យកោះកុង ខណៈ ក្លិបអាយ អេស អាយ ដង្កោសែនជ័យ ត្រូវស្វាគមន៍ ក្លិបបាលទាត់សៀមរាប លើទីលាន ខេ អេម អេច ផាក។

បញ្ជាក់ដែរថា កាលពីរដូវកាល២០២០ ក្លិបបាលទាត់ព្រៃវែង បានក្លាយជាម្ចាស់ជើងឯក ក្រោយយកឈ្នះលើ U21 កងយោធពលខេមរភូមិន្ទ ដោយលទ្ធផល ៥-២ ។ ក្រុមជើងឯកលីគ២នេះ ត្រូវឡើងទៅកាន់លីគកំពូលរបស់កម្ពុជា ៕