លោកស្រី សុខ សោភា នាយិកាប្រតិបត្តិជាន់ខ្ពស់ទីផ្សារ បានមានប្រសាសន៍ថា ដោយមើលឃើញពីការកើនឡើង នៃកម្រិតជីវភាពរបស់ប្រជាពលរដ្ឋ ជាពិសេសការរស់នៅបែបស៊ីវីល័យ និងកាន់តែទាន់សម័យ ការនិយមកម្មង់ទំនិញតាមទីផ្សារអនឡាញ កាន់តែពេញនិយម  ធនាគារអេស៊ីលីដា បានខិតខំស្វែងរកនូវដំណោះស្រាយនៃបចេ្ចកវិទ្យាថ្មីៗ ដាក់ឲ្យដំណើការផ្សារអនឡាញអ៊ីសប ក្នុងកម្មវិធីអេប អេស៊ីលីដាម៉ូបាល អនុញ្ញាតឲ្យអតិថិជន អាច​បញ្ជាទិញទំនិញទំនើបៗបាន រាប់ម៉ឺនមុខ។ 

 

លោកស្រី ភាបានមានប្រសាសន៍ថា៖«ជាមួយមុខទំនិញរាប់ម៉ឺនមុខរបស់អ៊ីសបយើង នឹងឆ្លើយតបទៅនឹងតម្រូវការ និងផ្តល់ភាពងាយស្រួលដល់អតិថិជន មិនចាំបាច់ស្វែងរកហាងនានា។ មានតែផ្សារអនឡាញអ៊ីសបមួយ របស់អេស៊ីលីដាម៉ូបាលមួយ គឺដូចជាមានផ្សារលក់ទំនិញទំនើបៗ រាប់ម៉ឺនមុខនៅក្នុងដៃ»។ 

 

អតិថិជន និងសាធារណជន ចូលទៅទាញយកកម្មវិធីអេស៊ីលីដាម៉ូបាលនេះ តាមរយៈ App Store, Play Store, App gallery នោះអ្នកនឹងបានឃើញផ្សារអនឡាញដើម្បីប្រើប្រាស់ទិញទំនិញនានាតាមសេចក្តីត្រូវការ៕