ក្រុមបាល់ទាត់ឫទ្ធិសែន ត្រូវប្រកួតជាមួយ កោះកុងអេហ្វស៊ី នៅកីឡដ្ឋានខេត្តកំពង់ឆ្នាំង ដោយសប្ដាហ៍កន្លងទៅ ក្លិបទាំង២ បរាជ័យ។ កោះកុងអេហ្វស៊ី បានចាញ់ យុវជនកងយោធពលខេមរភូមិន្ទ ក្នុងលទ្ធផល ១-២ ហើយក្រុមបាល់ទាត់ឫទ្ធិសែន បរាជ័យក្រោមថ្វីជើង សាលាកីឡាបាល់ទាត់ជាតិ។ 
 

នៅទីលានវិទ្យាល័យប៊ុន រ៉ានី ហ៊ុន សែន មេមត់ មន្ទីរអប់រំខេត្តត្បូងឃ្មុំ ត្រូវប៉ះជាមួយ កងយោធពលខេមរភូមិន្ទ U21 ។ ក្រុមទាំងពីរសុទ្ធតែជាក្រុមល្អ សម្រាប់សប្ដាហ៍ទីមួយ ដោយមន្ទីរ អប់រំខេត្តត្បូងឃ្មុំ ឈ្នះ លើបន្ទាយមានជ័យ ក្នុងលទ្ធផល ២-៥ ។
 

នាវេលាដដែល សាលាបាល់ទាត់ជាតិ ត្រូវជួបជាមួយក្រុមសៀមរាប នៅទីលានសាលាបាល់ទាត់ជាតិ ស្របពេលដែល អាយ អេស អាយ ដង្កោសែនជ័យ ត្រូវប្រកួតជាមួយ ក្រុមខេត្តបន្ទាយមានជ័យ នៅទីលានសាលា ហ៊ុន សែន ខ្លាកូន៕