ក្រុម អាយ អេស អាយ បានឈរលេខរៀងទីមួយ បណ្ដោះអាសន្ន ក្រោយពីបានយកឈ្នះ លើក្រុមបាល់ទាត់ខេត្តបន្ទាយមានជ័យ ក្នុងលទ្ធផល ០-២ ក្នុងទីលានវិទ្យាល័យ ហ៊ុន សែន ខ្លាកូន ក្នុងពេលជាមួយគ្នានេះ សាលាកីឡាបាល់ទាត់ជាតិ ទទួលជោគជ័យលើ ក្លិបបាល់ទាត់ខេត្តសៀមរាប ក្នុងលទ្ធផល ២-១ ។ ការប្រកួតនៅវិទ្យាល័យប៊ុនរ៉ានី ហ៊ុន សែន មេមត់ ក្លិបកងយោធពលខេមរៈភូមិន្ទU21 បានបរាជ័យ ក្នុងជំនួបម្ចាស់ផ្ទះ មន្ទី អ.យ.ក ខេត្តត្បូងឃ្មុំ ក្នុងលទ្ធផល ១-០ ។
 

កោះកុងអេហ្វស៊ី រកបាន៣ពិន្ទុ ក្រោយពីការប្រកួតក្នុងសប្ដាហ៍ទី២ ដោយយកឈ្នះ ក្លិបបាលទាត់ឬទ្ធីសែន ក្នុងលទ្ធផល ០-៣ ។ ក្លិបឬទ្ធីសែន នៅតែមិនអាចរកបានពិន្ទុនៅក្នុងសប្ដាហ៍ទី២នេះ ។ បច្ចុប្បន្ន ក្លិបនេះស្ថិតនៅលេខរៀងទី៨ បណ្ដោះអាសន្ន ។ កោះកុងអេហ្វស៊ី ចាញ់មួយ និងឈ្នះមួយប្រកួតក្នុង ការប្រកួតទាំង២សប្ដាហ៍នេះ ។