អត្ថបទពាណិជ្ជកម្ម
ងាយម្ល៉េះ!!! មាន App “Chief Easy” ខ្ចីលុយរហូតដល់១០០០ ដុល្លារមិនចាំបាច់មានទ្រព្យបញ្ចាំ
×![]()
ដោយ: ថ្មីៗ
កាលពីពេលថ្មីៗនេះ ធនាគារពាណិជ្ជ ឈីហ្វ (ខេមបូឌា) ម.ក បានដាក់ចេញនៅសេវាកម្មថ្មីរបស់ខ្លួន ដែលមានឈ្មោះថា «Chief Easy»។ តាមរយៈសេវាកម្មថ្មីនេះនឹងជួយសម្រួល ក៏ដូចជាផ្ដល់ឱកាសដល់ប្រជាពលរដ្ឋកម្ពុជាអាច ខ្ចីឥណទានខា្នតតូចបំផុត និងមានសុវត្ថិភាព ដើម្បីយកទៅប្រើប្រាស់ក្នុងគោលបំណងផ្សេងៗ ជំនួសការខ្ចីប្រាក់ ក្រៅប្រព័ន្ធដែលគ្មានសុវត្ថិភាព។
ចំណុចពិសេសរបស់ «Chief Easy» គឺដំណើរការខ្ចីមិនមានភាពសាំញាំច្រើន ដោយការស្នើសុំកម្ចីប្រើប្រាស់តាមរយៈទូរសព្ទដៃប៉ុណ្ណោះ ដោយគ្រាន់តែចំណាយពេលវេលាត្រឹមតែ ១៥ នាទីប៉ុណ្ណោះ។ តាមរយៈ App «Chief Easy» នេះលោកអ្នកអាចស្នើរសុំកម្ចីបានគ្រប់ទីកន្លែង អ្វីដែលពិសេសនោះគឺមិនចាំបាច់មានទ្រព្យបញ្ចាំអ្វីឡើយ។
ក្នុងសេវាកម្មថ្មីនេះលោកអ្នកអាចខ្ចីរហូតដល់ទៅ ១០០០ ដុល្លារ និងពេលវេលាដែលត្រូវបង់សងធនាគារវិញ រយៈពេលពី ១ ខែ រហូតដល់ ១២ខែ ក្នុងនោះលោកអ្នកក៏អាច ជ្រើសរើសចំនួនខែ ដែលត្រូវបង់សង តាមតម្រូវការរបស់លោកអ្នក នៅពេលស្នើសុំតាមប្រព័ន្ធ ក្នុងទូរស័ព្ទដៃ។
បណ្ឌិត សឿង ម៉ូរ៉ារិទ្ធ ប្រធាននាយកប្រតិបត្តិ ធនាគារពាណិជ្ជ ឈីហ្វ បានឲ្យដឹងថា ៖ «ចំណុចពិសេសរបស់សេវាកម្មថ្មីនេះ អតិថិជនអាចស្នើកម្ចីនេះ បានច្រើននាក់នៅក្នុងរង្វង់គ្រួសាររបស់លោកអ្នក ដោយផ្អែកលើប្រាក់ចំណូលបុគ្គល ដោយគ្រាន់តែភ្ជាប់មកជាមួយ នូវសៀវភៅគ្រួសារ កាតបុគ្គលិក ឬនាមប័ណ្ណផ្ទាល់ខ្លួនជាដើម និងរបាយការណ៍ប្រាក់ចំណូលប្រចាំខែ ៣ខែចុងក្រោយ ដើម្បីជាឯកសារក្នុងស្នើសុំកម្ចីរហ័សនេះ»។
ក្នុងនោះ បណ្ឌិត សឿង ម៉ូរ៉ារិទ្ធ បានបញ្ចាក់បន្ថែមផងដែរថា ៖ «កម្ចីរហ័សនេះដែរ គឺប្រជាពលរដ្ឋទូទៅអាចស្នើបានគ្រប់មជ្ឈដ្ឋាន មិនថាអាជីវករ សិស្ស និស្សិត និងបុគ្គលិកជាដើម។ ការស្នើកម្ចីបែបឌីជីថលនេះ គឺពិតជាងាយស្រួល និងរហ័សមែនទែន»។
ចំណែឯអត្រាការប្រាក់សេវាកម្មថ្មីរបស់ធនាគារពាណិជ្ជ ឈីហ្វ (ខេមបូឌា) ម.ក គឺគិតត្រឹមតែ ១៨ ភាគរយក្នុងមួយឆ្នាំប៉ុនណ្ណោះ ដោយគណនាជាប្រចាំតាមមូលដ្ឋាន ៣៦០ ថ្ងៃ ក្នុងរយៈពេលមួយឆ្នាំ និងគិតលើចំនួនថ្ងៃជាក់ស្តែងដែលបានប្រើប្រាស់ ដោយគិតចាប់ពីថ្ងៃដែលឥណទានបានដាក់ ឱ្យប្រើប្រាស់លើកដំបូង។ ការប្រាក់ត្រូវបង់រៀងរាល់ខែនីមួយៗ ដែលត្រូវបង់គិតរាប់ពីកាលបរិច្ឆេទ នៃការផ្តល់ឥណទាន។
បណ្ឌិត សឿង ម៉ូរ៉ារិទ្ធ ក៏បានបញ្ជាក់បន្ថែមផងដែរថា ប្រព័ន្ធប្រតិបត្តិការ Chief Easy បើកដំណើរការ ២៤ម៉ោង ក្នុងមួយថ្ងៃ និង៧ថ្ងៃ ក្នុងមួយសប្តាហ៍។ បើក្នុងករណី កាលបរិច្ឆេទសង ស្ថិតក្នុងថ្ងៃចុងសប្តាហ៍ ឬ ថ្ងៃឈប់សម្រាក អ្នកខ្ចីត្រូវទទួលបន្ទុកក្នុងការដាក់ប្រាក់ជាមុនក្នុងគណនី ទុកសម្រាប់ទូទាត់បង់ការប្រាក់។ ក្នុងករណី អតិថិជនបំពានលក្ខខណ្ឌ ធនាគារមានសិទ្ធិ ទាមទារសងត្រលប់ ដោយឥណទានមួយផ្នែក ឬទាំងស្រុងមកវិញ ក្នុងករណី អ្នកខ្ចីប្រើប្រាស់ឥណទាននេះ មិនត្រូវនឹងគោលដៅដូចមានចែងក្នុងប្រព័ន្ធប្រតិបត្តិការ Chief Easy។
គួរបញ្ជាក់ផងដែរថាសម្រាប់អតិថិជនដែលមានបំណងទាញយកកម្មវីទូរសព្ទដៃ Chief Easy លោកអ្នកអាចទាញយកបានដោយឥតគិតថ្លៃបាននៅលើ Play Store សម្រាប់អ្នកប្រើប្រាស់ប្រព័ន្ធ Android និង App Store សម្រាប់អ្នកប្រើប្រាស់ប្រព័ន្ធ iOS៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
