អត្ថបទពាណិជ្ជកម្ម
លោក ឌុក ដេត និងលោក ខាន់ វ៉ាន់ឆៃ ទទួលបានជ័យលាភីលេខមួយ ក្នុងកម្មវិធីប្រកួត «មហោស្រពម្ហូបអាហារជុំវិញបឹងទន្លេសាប» ក្នុងខេត្តសៀមរាប
× សៀមរាប៖ កាលពីថ្ងៃទី១២ ខែធ្នូ ឆ្នាំ២០២១ វត្តមាន លោក ហាប់ ទូច រដ្ឋលេខាធិការ តំណាងដ៏ខ្ពង់ខ្ពស់ លោកស្រី ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងលោកស្រី យូ សុភា អភិបាលរងខេត្តសៀមរាប បានអញ្ជើញជាអធិបតីពិធីបិទព្រឹត្តិការណ៍វប្បធម៌ អបអរសាទរ ទីក្រុងសៀមរាបជាទីក្រុងវប្បធម៌អាស៊ាន ( Siem Reap ASEAN City of Culture ) នៅបរិវេណសួនច្បារមុខព្រះរាជដំណាក់។
ក្នុងព្រឹត្តិការណ៍ដ៏ធំមួយនេះ ក៏មានវត្តមានបងប្អូនប្រជាពលរដ្ឋយ៉ាងច្រើន បានចូលរួមដើម្បីទស្សនាកម្មវិធីផ្សេងៗជាច្រើនផងដែរ។ ក្នុងកម្មវិធីជាច្រើន យើងសូមលើកឡើង នៅកម្មវិធីមួយគឺ «មហោស្រពម្ហូបអាហារជុំវិញបឹងទន្លេសាប» ដោយមានការចូលរួម ពីសំណាក់ចុងភៅជំនាញៗមកពី ៥ខេត្តរួមមាន ខេត្តសៀមរាប, បាត់ដំបង, ពោធិ៍សាត់, កំពង់ឆ្នាំង និងកំពង់ធំ ដែលមានវិញ្ញាសា គឺចម្អិនម្ហូបមួយប្រភេទឈ្មោះថា «ហហ្មុក»។
លោក ឌុក ដេត ជាចុងភៅ និងស្ថាបនិករបស់ភោជនីយដ្ឋានសួនមេអំបៅ សហការជាមួយលោក ខាន់ វ៉ាន់ឆៃ អញ្ចើញមកពីអាហារដ្ឋានរស្មីពិសី ដើម្បីចូលរួមប្រកួតប្រជែក ក្នុងកម្មវិធីតំណាងឱ្យខេត្តសៀមរាបទាំងមូលផងដែរ។ ជាលទ្ធផល សម្រាប់បេក្ខភាពទាំង២រូប គឺបានទទួលជ័យលាភីលេខ១ សម្រាប់ការប្រកួតប្រជែកទាំង៥ខេត្តផ្សេងៗគ្នា។
ក្នុងពិធីបិទព្រឹត្តិការណ៍វប្បធម៌ អបអរសាទរ ទីក្រុងសៀមរាប ជាទីក្រុងវប្បធម៌អាស៊ាននេះ គណៈអធិបតីបានចូលរួមផ្តល់ជាកិត្តិយស ប្រគល់បណ្ណជ័យលាភី អមដោយថវិកាជូនដល់បេក្ខជនឆ្នើមផ្នែកម្ហូបអាហារផ្តល់បណ្ណកិត្តិយស ដល់សហគមន៍ដែលបានចូលរួម និងប្រគល់ពានជ័យលាភីឆ្នើម ដល់បេក្ខជនឆ្នើម ផ្នែកគំនូរបុរាណផងដែរ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com