ជំងឺភ្នែកឡើងបាយ

ពីនេះ ពីនោះ

ព័ត៍មានសុខភាព

សុខភាព

ជំងឺភ្នែកឡើងបាយ

12, Jan 2022 , 11:29 pm

រូបភាព

ដោយ: សារព័ត៌មានថ្មីៗ

អ្វីជាជំងឺភ្នែកឡើងបាយ?

ជំងឺភ្នែកឡើងបាយ គឺជាការវិវត្តន៍នូវ ស្នាមសបាំងកញ្ចក់ភ្នែកដោយមិនមានការឈឺចាប់។ ជំងឺនេះ បានបាំងជិត នូវពន្លឺ ដែលនឹងធ្វើអោយអ្នកជំងឺពិបាក ក្នុងការមើលឃើញអោយបានច្បាស់។ ការទុកវា ចោលដោយមិនមានការព្យាបាល ក្នុងរយៈពេលដ៏យូរ ជំងឺនេះអាចធ្វើអោយអ្នកជំងឺខ្វាក់បាន។ ជារឿយៗ វាតែងមានទំនាក់ទំនង ទៅនឹងការកើនឡើងរបស់អាយុ ប៉ុន្តែពេលខ្លះពួកវាក៏អាចកើតមានចំពោះ មនុស្សវ័យក្មេងបានផងដែរ។តើអ្នកណាខ្លះ ដែលអាចកើតមានជំងឺនេះ ?

ភាគច្រើននៃជំងឺនេះ គឺកើតមានដោយសារការកើនឡើងនៃអាយុ។ នាពេលខ្លះ ទារកអាចកើតមកជាមួយនឹងជំងឺភ្នែកឡើងបាយនេះតែម្តង ដែលវាត្រូវបានហៅថា ជំងឺភ្នែកឡើងបាយតាំងពីកំណើត ឬ ក៏កុមារអាចវិវត្តកើតមានវា ដោយសារតែការមានជំងឺ ឬ ការរងរបួស។ តែទោះជាយ៉ាងណាក៏ដោយ ជំងឺ ភ្នែកឡើងបាយ ក្នុងវ័យកុមារភាព គឺមានជាកម្របំផុត។

តើកត្តាអ្វីខ្លះ ដែលធ្វើអោយអ្នកមានជំងឺភ្នែកឡើងបាយ?

មូលហេតុជាក់លាក់ ដែលនាំអោយមានជំងឺនេះ គឺគេនៅមិនទាន់ដឹងនៅឡើយទេ។ ខណៈពេល ដែលការប្រឈមនឹងកើនមាន ទៅតាមអាយុកាលរបស់អ្នក កត្តាខាងក្រោមនេះក៏អាចនឹង រួមចំណែក នាំអោយអ្នកមាននូវជំងឺភ្នែកប្រភេទនេះផងដែរ ៖

· ជំងឺទឹកនោមផ្អែម។

· ការជក់បារី។

· ការផឹកសុរាច្រើនជ្រុល។

· ការរងរបួសភ្នែក។

· ការប្រើប្រាស់ corticosteroids ក្នុងរយៈពេលដ៏យូរ។

· ការប្រឈមនឹង ពន្លឺព្រះអាទិត្យ ឬ កាំរស្មីក្នុងរយៈពេលដ៏យូរ។

គន្លឺះក្នុងការ បង្ការនូវជំងឺភ្នែកឡើងបាយ

ទាំងនេះគឺជាវិធីមួយចំនួន ដែលអ្នកអាចធ្វើបានដើម្បីកាត់បន្ថយនូវការប្រឈមទៅនឹងការ វិវត្តន៍មាន នូវជំងឺភ្នែកឡើងបាយគឺ៖

· កុំជក់បារី។

· តែងតែពាក់មួក ឬ វ៉ែនតាការពារភ្នែកនៅពេលចេញទៅក្រោមកំដៅថ្ងៃ។

· ធ្វើការគ្រប់គ្រងជំងឺទឹកនោមផ្អែម។

· កាត់បន្ថយការប្រើប្រាស់ជាតិសុរា ៕