ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
ណាហ្គាខបនាំយកកីឡាករបរទេស៤រូបទៅបន្តធ្វើតេស្តិ៍នៅភ្នំពេញ
11, Jan 2014 ,
10:40 am
រូបភាព
×
ដោយ:
អុឹង ចំរើន (Ung Chamroeun)
កីឡាករបរទេស៤រូបដែលបានចូលលេងក្នុងការប្រកួតមិត្តភាពទាំងពីរលើកនៅក្នុងប្រទេសថៃជាមួយក្លិបណាហ្គាខប ត្រូវបន្តធ្វើដំណើរទៅកាន់រាជធានីភ្នំពេញដើម្បីបង្ហាញសមត្ថភាពរបស់ខ្លួនបន្ថែមទៀត។ ថ្នាក់ដឹកនាំណាហ្គាខបអះអាងថា សមត្ថភាពរបស់កីឡាករទាំងបួនរូបអាចនឹងឈានទៅដល់ការចុះកិច្ចសន្យាជាផ្លូវការមួយសម្រាប់ការប្រកួតក្របខណ្ឌមិត្តហ្វូនខេមបូឌានលីកនាពេលខាងមុខ។
កីឡាករបរទេសទាំង៤រូបរួមមាន ខ្សែប្រយុទ្ធកូរ៉េខាងត្បូង Kim Sang Min ខ្សែបម្រើប្រយុទ្ធកូរ៉េខាងត្បូង Jang In Yong ខ្សែបម្រើកណ្តាលជប៉ុន Masahiro Fukasawa និងខ្សែបម្រើស្លាបហ្គីណេ Barry។ កីឡាករទាំងនេះ បានចូលលេងជាបន្តបន្ទាប់ ខណៈក្លិប BCC Tero (ឈុតទីពីររបស់ BEC Tero Sansana) យកឈ្នះណាហ្គាខប ៤-១ ។ ពួកគេបានចូលលេងជាងមួយម៉ោងទៀតនាជំនួបមិត្តភាពជាមួយក្លិប Chainat FC នៅកីឡដ្ឋាន Khao Plong Stadium កាលពីថ្ងៃសុក្រ ដោយក្រុមម្ចាស់ផ្ទះបានយកឈ្នះក្នុងលទ្ធផល ៣-០ ។
លោក ឡាំ ទីនី អ្នកចាត់ការទូទៅក្រុមណាហ្គាខប បានអះអាងថា ក្រុមរបស់លោកអាចនឹងឈានទៅដល់កិច្ចព្រមព្រៀងជាមួយកីឡាករបរទេសទាំងបួននាពេលឆាប់ៗ ខណៈលក្ខខណ្ឌមួយចំនួនកំពុងស្ថិតក្នុងពិភាក្សារវាងថ្នាក់ដឹកនាំណាហ្គាខប និងភ្នាក់ងាររបស់កីឡាករទាំងនោះ។
លោកបានបញ្ជាក់ថា៖ «យើងយកពួកគេទៅធ្វើតេស្តិ៍បន្តនៅភ្នំពេញ ហើយបើគ្មានបញ្ហាអ្វីទេនោះ ពួកគេនឹងក្លាយជាសមាជិកបរទេសថ្មីរបស់ណាហ្គាខបសម្រាប់ការប្រកួតលីក ខណៈបច្ចុប្បន្ន យើងមានកីឡាករកូដឌីវ័រម្នាក់រួចទៅហើយ»។
សូមបញ្ជាក់កាលពីជំនួបមិត្តភាពជាមួយក្លិប Chainat FC ណាហ្គាខបបានធ្វើដំណើរជាង៣ម៉ោងដើម្បីទៅជួបក្រុមម្ចាស់ផ្ទះ ហើយពួកគេ៤០នាទីក្រោយទៅដល់ទីលាន ពួកគេបានចាប់ផ្តើមប្រកួត។ ក្រុមម្ចាស់ផ្ទះដែលស្ថិតក្រោមការដឹកនាំរបស់លោក Surachai Jaturapattarapong បានយកឈ្នះក្នុងលទ្ធផល ៣-០ ដែលគ្រាប់បាល់បញ្ចូលទីទាំងអស់គឺពួកគេធ្វើបានសម្រេចនៅក្នុងតង់ទីមួយ។
ទាក់ទងនឹងសមត្ថភាពរបស់កីឡាករបរទេស លោក ប្រាក់ សុវណ្ណារ៉ា ទីប្រឹក្សាបច្ចេកទេស និងជាអ្នកដឹកនាំបង្វឹកបណ្តោះអាសន្នរបស់ណាហ្គាខប បានគូសបញ្ជាក់ថា៖ «ពួកគេសុទ្ធតែមានសមត្ថភាពដ៏គួរឲ្យកត់សម្គាល់ ជាពិសេស កីឡាករជប៉ុន Masahiro Fukasawa និងកីឡាករកូរ៉េខាងត្បូង Jang In Yong ប៉ុន្តែបញ្ហាត្រង់ថា ពួកគេមិនដឹងច្បាស់ពីរបៀបលេងរបស់ណាហ្គាខប ហើយម្យ៉ាងទៀត ការអស់កម្លាំងដោយសារការធ្វើដំណើរ»។
លោកបានបន្ថែមថា ប្រសិនបើមានការត្រូវរ៉ូវគ្នាលើលក្ខខណ្ឌមួយចំនួនហើយនោះ ពួកគេនឹងក្លាយជាកម្លាំងដ៏សំខាន់របស់ណាហ្គាខបសម្រាប់ការប្រកួតក្នុងលីក។ នៅក្នុងការប្រកួតកន្លងមក លោកប្រាក់ សុវណ្ណារ៉ា ក៏បានដាក់ឲ្យកីឡាករវ័យក្មេងមួយចំនួនចូលលេងផងដែរដើម្បីពង្រឹងសមត្ថភាពរបស់ពួកគេសម្រាប់យុទ្ធនាការការពារពានរង្វាន់សម្តេច ហ៊ុន សែន ឆ្នាំ២០១៣៕
កីឡាករបរទេសទាំងបួនស្ថិតនៅក្នុងជម្រើសជាតិដំបូងនាជំនួបមិត្តភាពជាមួយ Chainat FC
ខ្សែប្រយុទ្ធកូរ៉េខាងត្បូង Kim Sang Min
ខ្សែបម្រើស្លាប Barry សញ្ជាតិហ្គីណេ
ខ្សែបម្រើប្រយុទ្ធកូរ៉េខាងត្បូង Jang In Yong
ខ្សែបម្រើកណ្តាលជប៉ុន (ឈូសបាល់) Masahiro Fukasawa និងខ្សែបម្រើកូរ៉េខាងត្បូង (ស្តាំ) Jang In Yong
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
តើពាក្យ «សិទ្ធិ, សិទ្ធ» ប្រើខុសគ្នាដូចម្តេច?
7 ថ្ងៃ
កម្ពុជា នឹងមានភ្លៀងធ្លាក់ ពីថ្ងៃទី៤-៦ឧសភា
1 សប្តាហ៍
«នាំអាត» និង«នាំអាទិ៍»មួយណាត្រឹមត្រូវ?
4 ថ្ងៃ
ការប្រឡងគ្រូអនុវិទ្យាល័យ នឹងរៀបចំ២ដំណាក់កាល ដើម្បីសម្រាំងយកបេក្ខជន៤៤១នាក់ប៉ុណ្ណោះ
1 សប្តាហ៍
អ្នកស្រី ឯម សិរីវុទ្ធី ចេញដំណើរពីស្វាយរៀងម៉ោង៣ទៀបភ្លឺ ជូនកូនមកប្រឡងគ្រូនៅភ្នំពេញ
6 ថ្ងៃ
អត្ថបទពេញនិយមបន្ថែម