សហព័ន្ធកីឡាបាល់ទាត់រុស្ស៊ី នៅថ្ងៃទី២៣ ខែមីនា បង្ហាញចំណាប់អារម្មណ៍ចង់ដេញថ្លៃលើពានរង្វាន់ប្រចាំតំបន់អឺរ៉ុប។ ប៉ុន្តែ UEFA ក៏បានចេញមុខព្រមានជាមុនផងដែរ។
 

UEFA បានប្រតិកម្មទៅនឹងការប្រកាសរបស់សហព័ន្ធបាល់ទាត់រុស្ស៊ីថា ជាចេតនា​បង្កហេតុ ដោយសារតែកំពុងតែរងទណ្ឌកម្មពីបស្ចឹមលោក ហើយមិនអាចធ្វើជាម្ចាស់ផ្ទះការប្រកួតកីឡាបានឡើយ។ 
 

«គណៈកម្មាធិការប្រតិបត្តិ UEFA នឹងកោះប្រជុំវិសាមញ្ញបន្ថែមទៀត ដើម្បីវាយតម្លៃស្ថានភាពច្បាប់ទៅតាមភាពជាក់ស្តែង និងការសម្រេចចិត្តបន្ថែមចំពោះការប្រកាសចំណាប់អារម្មណ៍របស់រុស្ស៊ីសម្រាប់ធ្វើជាម្ចាស់ផ្ទះ UEFA Euro»។ នេះបើតាមសេចក្តីប្រកាសរបស់ UEFA ។
 

សម្រាប់ការដេញថ្លៃធ្វើជាម្ចាស់ផ្ទះការប្រកួត ​Euro 2028 ចក្រភពអង់គ្លេស ជាមួយអៀរឡង់ បានដេញថ្លៃធ្វើជាម្ចាស់ផ្ទះរួម ខណៈតួកគីក៏បានប្រកាសប្រជែងក្នុងការដេញថ្លៃនេះនាថ្ងៃទី២៣ ខែមីនាផងដែរ។ លើសពីនោះ រុស្ស៊ីក៏បានបង្ហាញចំណាប់អារម្មណ៍ធ្វើជាម្ចាស់នៅឆ្នាំ២០៣២ បន្ថែមទៀត បើការដេញថ្លៃនៅឆ្នាំ២០២៨ មិនបានសម្រេច៕