ពិធីនេះមានការចូលរួមពីលោក អាឡិន ថៃ អគ្គនាយក នៃក្រុមហ៊ុន ដាយ អ៊ិឈិ ឡាយហ្វ៍ និងលោក Takahisa Kiyone នាយកផ្នែកលក់ និងទីផ្សារនៃ ក្លឹបបាល់ទាត់ អង្គរថាយហ្គឺរ រួមជាមួយនឹងថ្នាក់ដឹកនាំជាន់ខ្ពស់មកពីក្រុមហ៊ុនទាំងពីរ។
 

លោក អាឡិន ថៃ អគ្គនាយក នៃក្រុមហ៊ុន ដាយ អ៊ិឈិ ឡាយហ្វ៍ មានប្រសាសន៍ថា ៖«នេះជាឆ្នាំទី២ហើយ ដែលពួកយើងបានចាប់ដៃគូជាមួយក្លឹបបាល់ទាត់ អង្គរថាយហ្គឺរ ក្នុងការបង្កើនការយល់ដឹងអំពីសុខភាពជូនដល់ប្រជាជនកម្ពុជា តាមរយៈការលេងកីឡាបាល់ទាត់។ យើងពិតជារីករាយណាស់ដែលបានចូលរួមឧបត្ថម្ភ ក្លឹបបាល់ទាត់ អង្គរថាយហ្គឺរ ដែលជាក្លឹបបាល់ទាត់ដ៏លេចធ្លោមួយនៅក្នុង ប្រទេសកម្ពុជា និង ល្បីល្បាញបំផុតនៅក្នុងខេត្តសៀមរាប។ ចំពោះក្រុមហ៊ុន ដាយ អ៊ិឈិ ឡាយហ្វ៍ យើងមានភាពជឿជាក់ក្នុងការចូលរួមចំណែកជួយដល់សហគមន៍ ដែលយើង ផ្តល់សេវាកម្មធានារ៉ាប់រងអាយុជីវិត។»


 

លោក Takahisa Kiyone នាយកផ្នែកលក់ និងទីផ្សារនៃក្លឹបបាល់ទាត់ អង្គរថាយហ្គឺរ បានមានប្រសាសន៍ថា ៖«ក្លឹបបាល់ទាត់ អង្គរថាយហ្គឺរ មានសេចក្តីសោមនស្សរីករាយក្នុងការប្រកាសពីភាពជាដៃគូជាបន្តបន្ទាប់របស់យើងជាមួយក្រុមហ៊ុន ដាយ អ៊ិឈិ ឡាយហ្វ៍ ខេមបូឌា ដែលជាក្រុមហ៊ុនធានារ៉ាប់រងអាយុជីវិតឈានមុខគេនៅប្រទេសជប៉ុន។ យើងមិនអាចបង្ហាញអស់នៃការដឹងគុណរបស់យើង ចំពោះការគាំទ្រជាបន្តបន្ទាប់របស់ពួកគេចំពោះក្លឹបរបស់យើងពីរដូវកាលមុន។ យើងនឹងខិតខំបង្កើនការផ្សព្វផ្សាយអំពី ដាយ អ៊ិឈិ ឡាយហ្វ៍ ខេមបូឌា ជាពិសេសទៅដល់ប្រជាសហគមន៍រស់នៅក្នុងខេត្តសៀមរាប។»

 

ក្រុមហ៊ុន ដាយ អ៊ិឈិ ឡាយហ្វ៍ អ៊ីនសួរ៉ិនស៍ (ខេមបូឌា) ម.ក (”ដាយ អ៊ិឈិ ឡាយហ្វ៍”) គឺជាក្រុមហ៊ុនបុត្រសម្ព័ន្ធរបស់ ក្រុមហ៊ុន ដាយ អ៊ិឈិ ឡាយហ្វ៍ ហូលឌីង (”DLHD”) ដែលជាក្រុមហ៊ុនធានារ៉ាប់រងអាយុជីវិតឈានមុខគេនៅក្នុងប្រទេសជប៉ុន អស់រយៈពេលជាង ១១៩ ឆ្នាំ ជាប្រវត្តិសាស្ត្រ។ DLHD ជាក្រុមហ៊ុនដែលបានចុះបញ្ជីនៅលើទីផ្សារភាគហ៊ុន Tokyo Stock Exchange។
 

ចាប់តាំងពីបានបង្កើតឡើងនៅក្នុងឆ្នាំ ១៩០២ មក DLHD បានបេ្តជ្ញាចិត្តឈរនៅក្បែរអតិថិជនរបស់យើង និងមនុស្សជាទីស្រឡាញ់របស់ពួកគេអស់មួយជីវិត និងខិតខំប្រឹងប្រែងរួមគ្នាក្នុងការផ្តល់ជូននូវ “”ភាពស្ងប់ចិត្ត” ក្រោមទស្សនៈរបស់យើង “អតិថិជនជាចម្បង”។ យើងចូលរួមចំណែកជាមួយសហគមន៍មូលដ្ឋានតាមរយៈការផ្តល់ជូនសេវាធានារ៉ាប់រងអាយុជីវិត និងសេវាកម្មផ្សេងទៀត។
 

* Dai-ichi Life Group មានមូលធនរឹងមាំ ជាមួយនឹងទ្រព្យសម្បត្តិសរុបចំនួន ៥៧៤ ពាន់លានដុល្លារ និងបុព្វលាភធានារ៉ាប់រងជាង ៤៣ពាន់លានដុល្លារ។ (គិតត្រឹមថ្ងៃទី ៣១ ខែមីនា ឆ្នាំ២០២១) ។

(អត្ថបទពាណិជ្ជកម្ម)