ក្រុមការងារក្រុង និងសហភាពសហព័ន្ធយុវជនកម្ពុជា ខេត្តសៀមរាប មានភាពមមាញឹក រៀបចំសោភ័ណភាព ដោយមានការរៀបចំភ្លើងបំភ្លឺតាមស្ពាន ឆាកតន្រ្តី ឆាករាំសិល្បៈ ទូកខ្នាតតូច ផែមាត់ទឹក។ល។ ត្រៀមសម្រាប់ព្រឹត្តិការណ៍ សង្រ្កាន្តសៀមរាប។ អភិបាលខេត្តសៀមរាប ប្រកាសថា សង្រ្កាន្តសៀមរាប ឆ្នាំ២០២២ នេះ ធ្វើឡើងរយៈពេល៥ថ្ងៃ ពីថ្ងៃទី១២ ដល់១៦ ខែមេសា នៅបរិវេណមាត់ស្ទឹងសៀមរាប និងកម្មវិធីសិល្បៈ នៅតំបន់ប្រាសាទចៅសាយទេវតា ​និងប្រាសាទធម្មនន្ទ ក្នុងរមណីយដ្ឋានអង្គរ។ 

 

សោភ័ណភាព អនាម័យក្នុងក្រុង ពិសេសតាមបណ្ដោយផ្លូវ៣៨ខ្សែ ក៏ត្រូវបានពង្រឹងផងដែរ។ លោក ទៀ សីហា បានអំពាវនាវឱ្យពលរដ្ឋតាមបណ្ដោយផ្លូវ ចូលរួមជាមួយអាជ្ញាធរ ដើម្បីភាពស្អាតរបស់ខេត្តទាំងអស់គ្នា។ ការរៀបចំនេះ ក៏ស្របពេលដែលរាជរដ្ឋាភិបាល នឹងរៀបចំពិធីសម្ពោធផ្លូវ៣៨ខ្សែ នាផ្លូវការនាថ្ងៃទី៤ ខែមេសា ឆ្នាំ២០២២នេះ។