ភ្នំពេញ៖ កាលពីថ្ងៃទី៨ រហូតដល់ថ្ងៃទី១៣ ខែមេសា ឆ្នាំ២០២២ ដើម្បីអបអរសាទរការទទួលបានការកម្ម៉ង់គ្រប់ចំនួន ១លានបុងជាលើកដំបូង និងដើម្បីថ្លែងអំណរគុណ ដល់អតិថិជនរបស់ខ្លួន។
ក្រុមហ៊ុនដឹកជញ្ជូនម្ហូបអាហារ GoodToGo បានរៀបចំកម្មវិធីដ៏ធំចំនួន ២ កន្លែង ដែលមានទីតាំងនៅផ្សារទំនើបអ៊ីអនម៉ល និងផ្សារទំនើបអ៊ីអនសែនសុខ ដោយមានការផ្ដល់ជូនឱកាស សម្រាប់អតិថិជនក្នុងការបង្វិលកង ចាប់រង្វាន់ជាច្រើនរួមមានកង្ហារទឹក កង្ហារកាន់ដៃ អាវយឺត កាបូប ជែលលាងដៃ និងគូប៉ុងទឹកប្រាក់បន្ថែមជាច្រើនទៀត។ អ្វីដែលកាន់តែពិសេសទៀតនោះ GoodToGo បានសហការជាមួយនឹងដៃគូជាង ៥០អាជីវកម្ម បញ្ចុះតម្លៃរហូតដល់ ៦០ភាគរយ និងការផ្ដល់ជូនគូប៉ុងបញ្ចុះតម្លៃសរុបរហូតដល់ ១២០ដុល្លារ ទៅកាន់អតិថិជនចាស់ ចាប់ពីថ្ងៃទី៨ ខែមេសា ដល់ថ្ងៃទី១៣ ខែមេសាកន្លងទៅ។ សម្រាប់អតិថិជនថ្មីដែលដោនឡូត និងចុះឈ្មោះក្នុងកំឡុងពេលនេះ ក៏នឹងទទួលបានគូប៉ុងបញ្ចុះតម្លៃសរុបរហូតដល់ ១០០ដុល្លារ ភ្លាមៗផងដែរ។
នេះក៏ជាលើកទីមួយ ដែល GoodToGo បានបង្ហាញនូវតុក្កតាតំណាងរបស់ខ្លួន ដើម្បីបង្ហាញជូនសាធារណជន។ អ្នកគាំទ្រជាច្រើនបានសរសើរថា តុក្កតាតំណាងរបស់ GoodToGo គឺជាតុក្កតាដ៏គួរឲ្យស្រលាញ់ និងរស់រវើកបំផុត ដែលពួកគេធ្លាប់ឃើញនៅក្នុងប្រទេសកម្ពុជា។ មានដៃគូសហការជាច្រើន បានអញ្ចើញតុក្កតានាំតំណាងរបស់ GoodToGo ចូលរួមក្នុងកម្មវិធីផ្សេងៗ ដើម្បីបង្កើនបរិយាកាសឲ្យកាន់តែមានភាពរីករាយ។
គួរបញ្ជាក់ផងដែរថា រយៈពេលប្រហែលជាង ២ខែនេះ ក្រុមហ៊ុនដឹកជញ្ជូនម្ហូបអាហារ GoodToGo បានសម្រេចទទួលបានការកម្ម៉ង់រហូតដល់ទៅ ១លានបុង ដែលតួលេខនេះសបញ្ជាក់ឲ្យឃើញ ពីការខិតខំប្រឹងប្រែងរបស់ក្រុមហ៊ុន ក្នុងការផ្ដល់សេវាកម្មដែលគួរជាទីទុកចិត្តបំផុត ជូនទៅដល់អតិថិជនទាំងអស់របស់ខ្លួន។
ក្រុមហ៊ុនដឹកជញ្ជូនម្ហូបអាហារ GoodToGo បានចាប់ដំណើរការជាផ្លូវការ តាំងពីខែធ្នូ ឆ្នាំ២០២០មកម្ល៉េះ ដោយរហូតមកដល់បច្ចុប្បន្ននេះ ទទួលបានការចុះឈ្មោះប្រើប្រាស់ រហូតដល់ទៅជាង ២៤ម៉ឺនគណនី បានសហការជាមួយហាង និងក្រុមហ៊ុនជាដៃគូ រហូតដល់ទៅជាង ២ ៣០០ហាង ដោយមានអ្នកដឹកជាង ៥០០នាក់ ដើម្បីបម្រើសេវាកម្មជូនអតិថិជន។ ក្រុមហ៊ុនបានដាក់ចេញកម្មវិធីទូរស័ព្ទរបស់ខ្លួន ដែលមានឈ្មោះថា GoodToGo ដែលកម្មវិធីនេះមានសមត្ថភាព និងមុខងារជាច្រើន ដូចជាការផ្ដល់ភាពងាយស្រួលសម្រាប់ការកម្ម៉ង់ម្ហូប សម្ភារប្រើប្រាស់ ការបញ្ចុះតម្លៃពិសេសៗ និងមុខងារដែលពាក់ព័ន្ធ នឹងជីវភាពរស់នៅប្រចាំថ្ងៃជាច្រើនផ្សេងទៀត ជាហេតុធ្វើកំណើននៃការគាំទ្រពីសំណាក់អតិថិជនរបស់ខ្លួនមានការស្ទុះឡើងយ៉ាងគំហុក ក៏ដូចជាទទួលបានការសរសើរមិនដាច់ពីមាត់ ទៅលើសេវាកម្មដែលប្រកបដោយភាពកក់ក្ដៅ និងទំនួលខុសត្រូវខ្ពស់។
យោងតាមលោក Faxon អ្នកគ្រប់គ្រងទូទៅនៃក្រុមហ៊ុន GoodToGo មានប្រសាសន៍ថា៖ "នៅក្នុងទីផ្សារបច្ចុប្បន្ននេះ កម្មវិធីដឹកជញ្ជូនម្ហូបអាហារដែលមានមុខងារច្រើន គឺជាយុទ្ធសាស្ត្រថ្មី សម្រាប់ទីផ្សារក្នុងប្រទេសកម្ពុជា។ ទោះបីជាមានឧបសគ្គជាច្រើន ក្នុងការស្វែងរកដៃគូសហការ ប៉ុន្តែក៏នៅតែមានការគាំទ្រកាន់តែខ្លាំងខ្លា។ យោងតាមទិន្នន័យក្នុងការអង្កេត និងវិភាគកន្លងមក ពីឆ្នាំ ២០១៦ ដល់ចុងឆ្នាំ២០១៩ ទីផ្សារសម្រាប់សេវាកម្មដឹកជញ្ជូននេះមានកំណើន ២០ភាគរយ។ ចាប់ពីឆ្នាំ២០២០ សេវាកម្មដឹកជញ្ជូនម្ហូប មានសន្ទុះអភិវឌ្ឍកាន់តែឆាប់រហ័សមួយកម្រិតទៀត ដែលកើនឡើងដល់ ៤៥,៦ភាគរយ នេះបង្ហាញថាមានការកើនឡើងរហូតដល់ទៅ ៣២,៨ភាគរយ។ ស្ថិរភាពសេដ្ឋកិច្ចក្នុងប្រទេសកម្ពុជា ក៏ជាកត្តាដ៏សំខាន់ក្នុងការរីកចម្រើន និងផ្តល់ឱកាសកាន់តែច្រើន សម្រាប់វិនិយោគិនក្នុងប្រទេសកម្ពុជា។ ស្របពេលដែលយើងកំពុងពង្រីកសេវាកម្មឱ្យកាន់តែប្រសើរ បង្កើនសមត្ថភាព យើងសង្ឃឹមថា នឹងមានការរីកចម្រើនបន្ថែមទៀត។ បន្ទាប់ពីបានដាក់ដំណើរការ នៅលើទីផ្សារ យើងទទួលបានការសរសើរពីអតិថិជនជាច្រើន លើបទពិសោធន៍ក្នុងការប្រើប្រាស់ ភាពងាយស្រួល និងគុណភាពសេវាកម្ម យើងមានមោទកភាព ក្នុងការនិយាយថា GoodToGo គឺជាកម្មវិធី ដែលផ្តល់សេវាកម្មដឹកជញ្ជូនម្ហូបដែលល្អបំផុត។"
ក្រុមហ៊ុន បានប្ដេជ្ញានឹងបន្តធ្វើឲ្យសេវាកម្មដឹកជញ្ជូនម្ហូបអាហាររបស់ខ្លួន កាន់តែមានភាពប្រសើរជាងនេះ មិនថាស្ថិតក្នុងស្ថានភាពជំងឺកូវីដ-១៩ ដ៏លំបាកប៉ុណ្ណានោះទេ ព្រោះនេះជាបេសកកម្ម និងជាចក្ខុវិស័យតែមួយគត់ ដើម្បីលើកតម្កើងកិត្តិនាមក្រុមហ៊ុន ឲ្យកាន់តែល្បីរន្ទឺ និងទទួលបានការទទួលស្គាល់ ពីអតិថិជនជាច្រើនបន្ថែមទៀត។
GoodToGo សេវាកម្មដឹកជញ្ជូនម្ហូបអាហារដ៏គួរឲ្យទុកចិត្ត និងល្អបំផុតសម្រាប់លោកអ្នក៕
(អត្ថបទពាណិជ្ជកម្ម)