ក្នុងលិខិត ដែលចុះកាលបរិច្ឆេទនៅថ្ងៃទី២៨ ខែមេសា ឆ្នាំ២០២២ មេដឹកនាំកម្ពុជា បានប្រាប់ទៅប្រធានាធិបតីមហាអំណាចអាម៉េរិកថា៖«ក្នុងនាមកម្ពុជាជាប្រធានអាស៊ានឆ្នាំ២០២២ ខ្ញុំ សូមបញ្ជាក់សាជាថ្មីអំពីបំណងប្រាថ្នាដ៏មុតមាំរបស់កម្ពុជា ក្នុងការខិតខំស្វែងរកឱកាសបន្ថែមទៀត ដើម្បីពង្រឹងកិច្ចសហប្រតិបត្តិការអាស៊ាន-អាម៉េរិកលើគ្រប់វិស័យ»។
 

ប្រមុខរដ្ឋាភិបាលកម្ពុជា បន្ថែមថា កិច្ចប្រជុំកំពូលពិសេសនេះ គឺជាឱកាសដ៏ប្រសើរសម្រាប់ការពិភាក្សាគ្នាពីការជំរុញកិច្ចសហប្រតិបត្តិការ ព្រមទាំងការផ្លាស់ប្តូរយោបល់គ្នាលើបញ្ហានានារបស់អាស៊ាន-អាម៉េរិក។ សម្តេច ប្រាប់លោកប្រធានាធិបតី ចូ បៃឌិន ថា សម្តេច នឹងជួបលោកដោយផ្ទាល់ នៅរដ្ឋធានីវ៉ាស៊ីនតោន និងត្រៀមធ្វើការយ៉ាងជិតស្និទ្ធជាមួយលោក៕