សេចក្តីប្រកាសព័ត៌មាន បានឲ្យដឹងថា កិច្ចប្រជុំកំពូលអាស៊ាន កិច្ចប្រជុំកំពូល G20 និង កិច្ចប្រជុំកំពូល APEC នឹងផ្តល់ឱកាសមួយពិសេសសម្រាប់បណ្តាប្រទេសជាសមាជិក ជំរុញកិច្ចប្រឹងប្រែង ដើម្បីនាំមកនូវសន្តិភាព វិបុលភាព និង ការអភិវឌ្ឍប្រកបដោយចីរភាព ដល់ប្រជាជនទាំងអស់។  
 

ចំពោះអាស៊ាន អាស៊ាន ប្តេជ្ញាដោះស្រាយបញ្ហាប្រឈមរួម ដែលនៅចំពោះមុខ និងរក្សានិរន្តរភាពនៃការកសាងសហគមន៍អាស៊ាន ដោយឈរលើស្មារតីរួមគ្នា។ ចំណែកវេទិកាក្រុម G20 មានគោលបំណងជួយសម្រួលដល់ការងើបឡើងវិញ សម្រាប់ទាំងអស់គ្នា។ ក្រុម G20 បានកំណត់អាទិភាពលើវិស័យ៣ គឺការពង្រឹងសុខភាពសាកល ការផ្លាស់ប្តូរបែបឌីជីថល និង ការផ្លាស់ប្តូរថាមពល សម្រាប់ការងើបឡើងវិញជាសាកល។ រីឯ APEC វិញ គឺជាវេទិកាពិសេស ដែលមានសមាសភាពជាសេដ្ឋកិច្ច ជាងបណ្តារដ្ឋនៅអាស៊ី-ប៉ាស៊ីហ្វិក ហើយការងារ ដែល APEC កំពុងធ្វើ គឺពន្លឿនសមាហរណកម្មសេដ្ឋកិច្ចក្នុងតំបន់ ដើម្បីសម្រេចបានវិបុលភាពរួមគ្នា។ ទាំងនេះ គឺជាខ្លឹមសារ ក្នុងសេចក្តីប្រកាសព័ត៌មាន។  
 

ក្រសួងការបរទេសនៃប្រទេសទាំង៣ សរសេរក្នុងសេចក្តីប្រកាសព័ត៌មានដូច្នេះថា៖«ក្នុងនាមជាប្រធាននៃកិច្ចប្រជុំសំខាន់ៗខាងលើក្នុងឆ្នាំ២០២២នេះ យើង ប្តេជ្ញាធ្វើការងារជាមួយដៃគូ និងអ្នកពាក់ព័ន្ធទាំងអស់ ដើម្បីធានាស្មារតីកិច្ចសហប្រតិបត្តិការ ខណៈយើង នៅក្នុងតំបន់អាស៊ីអាគ្នេយ៍ បន្តពង្រឹងមជ្ឈភាព ភាពជឿជាក់ និងសារសំខាន់របស់អាស៊ានក្នុងការរក្សាសន្តិភាព និងស្ថិរភាព ក្នុងតំបន់របស់យើង និងក្នុងពិភាពលោក»៕