ពីនេះ ពីនោះ
«បទេស» មានន័យដូចប្រទេស រីឯ «បរទេស» គឺប្រទេសដទៃ
× ទោះខុសគ្នាត្រង់អក្សរ «រ» ប៉ុន្តែពាក្យ «បទេស» និង «បរទេស» ក៏មានន័យ និងសូរខុសគ្នាផងដែរ។ សារព័ត៌មានថ្មីៗ លើកយកពាក្យទាំងនេះ មកពន្យល់ ដោយសារតែសង្កេតឃើញសំណេរខ្វះការប្រុងប្រយ័ត្នមួយចំនួននៅលើបណ្តាញសង្គម និងអត្ថបទសារព័ត៌មានខ្លះ។
តាមការពន្យល់ក្នុងវចនានុក្រមខ្មែរ សម្តេចព្រះសង្ឃរាជ ជួន ណាត «បទេស» [អានថា ប៉ៈទេស] មានន័យដូចប្រទេស ដែលសំដៅលើ ទី, តំបន់, កន្លែងទួទៅ, ស្រុក, ដែន ។ ល ។ នានាប្រទេស ប្រទេសផ្សេងគ្នា ។ អ្នកនានាប្រទេស មនុស្សអ្នកនៅក្នុងដែនផ្សេងឬដែលមកអំពីដែនផ្សេង ។
រីឯពាក្យ «បរទេស» វិញ អាចអានថា បរ៉ៈទេស ឬ ប៉ៈរៈទេស។ ពាក្យនេះ មានន័យថា ប្រទេសដទៃ ឬអ្នកប្រទេសដទៃ។ ជនបរទេស, គេទើបនឹងមកពីបរទេស ៕
© រក្សាសិទ្ធិដោយ thmeythmey.com