ក្រសួងការបរទេស ផ្តល់ព័ត៌មានថា សម្តេចប្រមុខរដ្ឋាភិបាលកម្ពុជា នឹងថ្លែងសុទ្ទរកថា ក្នុងវេទិកាសេដ្ឋកិច្ចពិភពលោក ហើយសម្តេច អាចនឹងជួបពិភាក្សាជាមួយថ្នាក់ដឹកនាំពីបណ្តាប្រទេសមួយចំនួន រួមទាំងធុរជនបរទេសនានា។ 

 

បន្ថែមពីនេះ មេដឹកនាំកម្ពុជា នឹងថ្លែងសុទ្ទរកថា ក្នុងព្រឹត្តិការណ៍ «រាត្រីកម្ពុជា (Cambodia Night)» ដែលរៀបចំដោយក្រុមហ៊ុនវើលដ៍ ប្រ៊ីជ គ្រុម (WorldBridge Group) ដើម្បីលើកស្ទួយធុរកិច្ចបរទេសនៅកម្ពុជា។ នេះបើតាមក្រសួងការបទេសដដែល ដោយបានផ្តល់ព័ត៌មានបន្ថែមថា សម្តេច ក៏នឹងជួបសំណេះសំណាលជាមួយប្រជាពលរដ្ឋខ្មែរ ដែលកំពុងរស់នៅក្នុងប្រទេសស្វីស និងបណ្តាប្រទេសអឺរ៉ុបដែរ។ 

 

សម្តេចនាយករដ្ឋមន្រ្តី ជូនដំណឹងលើទំព័រថា សម្តេច នឹងចាកចេញពីកម្ពុជា នៅម៉ោង១កន្លះ រំលងអធ្រាតឈានថ្ងៃទី២១ ខែឧសភា ទៅកាន់ប្រទេសស្វីស៕