ក្រុមបាល់ទាត់យុវជនអាយុក្រោម ១៩ឆ្នាំឡាវ ទទួលបានការចាប់អារម្មណ៍ជាខ្លាំងពីអ្នកគាំទ្រ និងសហព័ន្ធរបស់ខ្លួន សម្រាប់ទម្រង់លេងរបស់ពួកគេ នាព្រឹត្តិការណ៍ AFF U-19 Championship ។ ៤ប្រកួតកន្លងមក ឡាវពុំស្គាល់ពាក្យចាញ់ឡើយ ក្រោយឈ្នះទីម័រខាងកើត ២-០ ,ឈ្នះកម្ពុជា ២-១ ឈ្នះ សិង្ហបុរី ៣-១ និងយកឈ្នះ ក្រុមម៉ាឡេស៊ី ១-០ នាជំនួបវគ្គជម្រុះបញ្ចប់ក្នុងពូលB ដោយខ្សែប្រយុទ្ធ Phouttavong  Sangvilay ជាអ្នករ៉ាប់រងទាត់បាល់ពិន័យ ១១ម៉ែត្រ។ 
 

ក្រោយទទួលបានលទ្ធផលល្អទាំង ៤ប្រកួតនេះ សហព័ន្ធកីឡាបាល់ទាត់ឡាវ ផ្តល់ប្រាក់ឧបត្ថមជូនក្រុមបាល់ទាត់ចំនួន៤០០,០០០,០០០ គីប សម្រាប់ក្រុមបាល់ទាត់ទាំងនោះ។
 

គួរបញ្ជាក់ផងដែរថា ឡាវត្រូវប្រកួតជាមួយថៃ នៅថ្ងៃទី១៣ ខែកក្កដា ម៉ោង ៨:០០ នាទីល្ងាចនាកីឡដ្ឋាន Patriot Candrabhaga ក្រុងបេកាស៊ី ប្រទេសឥណ្ឌូណេស៊ី នាវគ្គពាក់កណ្ដាលផ្ដាច់ព្រ័ត្រ AFF U-19 Championship៕