សម្ដេច ស ខេង ផ្ដល់ប្រាក់លើកទឹកចិត្តនេះ ក្រោយកីឡាការិនីកម្ពុជា បានយកឈ្នះមេដាយមាស នៅក្នុងព្រឹត្តិការណ៍កីឡាពិភពលោក World Games នៅសហរដ្ឋអាមេរិក កាលពីថ្ងៃទី១៣ និង១៤ កក្កដា។

 

ប្រធានកិត្តិយសសហព័ន្ធកីឡាប៊ូល និងប៉េតង់កម្ពុជា រូបនេះ បានសរសេរលើហ្វេសប៊ុកថា៖«ដើម្បីអបអរសាទរ និងរួមចំណែកលើកទឹកចិត្តកីឡាករ កីឡាការិនីប៊ូល និងប៉េតង់កម្ពុជា ខ្ញុំសូមជូនថវិកាចំនួន ២០,០០០ដុល្លារ (ម្ភៃពាន់ដុល្លារអាមរិក) តាមរយៈប្រធានប្រតិភូសហព័ន្ធកីឡាប៊ូល និងប៉េតង់កម្ពុជា ដើម្បីចាត់ចែងប្រគល់ជូនបងប្អូន»។

 

កីឡាការិនីប៉េតង់កម្ពុជា អ៊ុក ស្រីមុំ និងអ៊ុន ស្រីយ៉ា បាន​យកឈ្នះកីឡាការិនីបារាំង លើប្រភេទវិញ្ញាសា២ទល់២ នៅវគ្គផ្តាច់ព្រ័ត្រ និងក្លាយជាម្ចាស់មេដាយមាសក្នុងព្រឹត្តិការណ៍កីឡាពិភពលោក The World Games 2022 នៅក្រុង Birmingham សហរដ្ឋអាម៉េរិក។ 

 

ជាមួយគ្នានោះ កីឡាការិនី អ៊ុក ស្រីមុំ ដដែលក៏ដណ្តើម​បាន​មេដាយមាសមួយទៀត លើ​វិញ្ញាសាវាយយកពិន្ទុផងដែរ។ ទាំងពីរ​វិញ្ញាសា​ដែលកម្ពុជាចូលរួមប្រកួតប្រជែង ក្នុងព្រឹត្តិការណ៍ពិភពលោកនេះ គឺទទួលបានមេដាយមាសដូចគ្នា។

 

Ralete