អ្នកដែលមានវត្តមានក្នុងកិច្ចប្រជុំជាមួយរដ្ឋមន្រ្តីមហាផ្ទៃ រួមមាន រដ្ឋលេខាធិការ អនុរដ្ឋលេខាធិការ អគ្គស្នងការនគរបាលជាតិ មេបញ្ជាការកងរាជអាវុធហត្ថលើផ្ទៃប្រទេស ថ្នាក់ដឹកនាំតាមក្រសួង-ស្ថាប័ន អភិបាលខេត្ត និងមន្ត្រីគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស។ 

 

គួរកត់សម្គាល់ថា ក្រោយពីអាម៉េរិក ដាក់កម្ពុជាចូលទៅក្នុងបញ្ជីខ្មៅនៃក្រុមប្រទេសដែលមានការជួញដូរមនុស្សធ្ងន់ធ្ងរ កាលពីអំឡុខែកក្កដា ឆ្នាំ២០២២ កន្លងទៅថ្មីៗនេះ រដ្ឋាភិបាលកម្ពុជា ដែលមានក្រសួងមហាផ្ទៃ និងគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស ជាសេនាធិការ ក៏ចាប់ផ្តើមបង្ហាញឆន្ទៈកាន់តែមុះមុត ក្នុងការរុករកអំពើលួចលាក់នៃការជួញដូរមនុស្សនេះ។ 
 

សម្តេចប្រធានគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស ប្រកាសកន្លងមក សមត្ថកិច្ចកម្ពុជា ត្រូវត្រួតពិនិត្យកន្លែងស្នាក់នៅរបស់ជនបរទេសទាំងអស់ក្នុងប្រទេសកម្ពុជាដោយលើកលែងតែមន្រ្តីការទូតប៉ុណ្ណោះ ដើម្បីស្វែងរកករណីលួចជួញដូរមនុស្សនេះ៕