អន្តរជាតិ
កាមេរូន៖ យុវជនម្នាក់រត់គេចខ្លួន ក្រោយប្រមូលប្រាក់តុងទីនតាម WhatsApp បានជាង១៥០០ដុល្លារ
×![]()
ដោយ: ធីតា
យុវជនកាមេរូនម្នាក់ បានរត់គេចខ្លួនជាមួយប្រាក់ជាង១លានហ្វ្រង់អាហ្វ្រិកខាងលិច (CFA franc) ឬជាង១៥០០ដុល្លារអាម៉េរិក បន្ទាប់ពីរូបគេប្រមូលលុយពីសមាជិកដែលបានលេងតុងទីនជាមួយគ្នាតាមបណ្តាញសង្គម WhatsApp។
យោងតាមការផ្សាយរបស់សារព័ត៌មានយុវជនអាហ្វ្រិក L.frii កាលពីថ្ងៃទី៤ ខែកញ្ញា យុវជនឈ្មោះ Kammi Franck បានជួបមិត្តភក្តិរបស់ខ្លួននៅសង្កាត់ Deido តំបន់ Douala ប្រទេសកាមេរូន។ ពេលនោះ គេបានលើកឡើងពីគម្រោងរបស់ខ្លួនក្នុងការបង្កើតក្រុមហ៊ុនមួយដើម្បីរួមចំណែកកាត់បន្ថយភាពគ្មានការងារធ្វើក្នុងចំណោមយុវជន។ គំនិតរបស់ Franck ទទួលបាននូវការគាំទ្រយ៉ាងខ្លាំងពីសំណាក់មិត្តភក្តិ ប៉ុន្តែដោយសារបញ្ហាហិរញ្ញវត្ថុ ជនឆបោករូបនេះ បានស្នើឲ្យមានការបង្កើតតុងទីនតាមបណ្តាញសង្គម WhatsApp ហើយប្រមូលបានសមាជិកប្រមាណ១៥នាក់។ L.frii បានបញ្ជាក់ថា Franck ទទួលបន្ទុកទាំងអស់សម្រាប់ក្បាលតុងទីននេះ ដោយគេធ្វើជាមេតុងទីនផង ជាលេខាផង និងជាហិរញ្ញឹកផង។ ប៉ុន្តែក្រោយប្រមូលបានប្រាក់ដំបូងជាង១៥០០ដុល្លារអាម៉េរិក រាល់ទំនាក់ទំនងទៅកាន់យុវជនរូបនេះ ត្រូវបានកាត់ផ្តាច់ ហើយសមាជិកទាំងអស់លែងទទួលបានដំណឹងពីមេតុងទីនរបស់ខ្លួន។ នៅកាមេរូន ក៏ដូចជាបណ្តាប្រទេសមួយចំនួនដែលប្រើប្រាស់ភាសាបារាំងនៅអាហ្វ្រិក ការលេងតុងទីន បានក្លាយជាផ្នែកមួយដ៏សំខាន់ក្នុងវិស័យហិរញ្ញវត្ថុ (Informal Financial Sector-IFS)។ យោងតាម Fair Observer ពលរដ្ឋកាមេរូនជាង៥០ភាគរយ ចូលរួមលេងតុងទីន ដែលក្នុងនោះមានដូចជាអ្នកជំនួញ អ្នកមានចំណូលកម្រិតកណ្តាល និងកម្រិតទាប ជាពិសេសស្ត្រី៕
យោងតាមការផ្សាយរបស់សារព័ត៌មានយុវជនអាហ្វ្រិក L.frii កាលពីថ្ងៃទី៤ ខែកញ្ញា យុវជនឈ្មោះ Kammi Franck បានជួបមិត្តភក្តិរបស់ខ្លួននៅសង្កាត់ Deido តំបន់ Douala ប្រទេសកាមេរូន។ ពេលនោះ គេបានលើកឡើងពីគម្រោងរបស់ខ្លួនក្នុងការបង្កើតក្រុមហ៊ុនមួយដើម្បីរួមចំណែកកាត់បន្ថយភាពគ្មានការងារធ្វើក្នុងចំណោមយុវជន។ គំនិតរបស់ Franck ទទួលបាននូវការគាំទ្រយ៉ាងខ្លាំងពីសំណាក់មិត្តភក្តិ ប៉ុន្តែដោយសារបញ្ហាហិរញ្ញវត្ថុ ជនឆបោករូបនេះ បានស្នើឲ្យមានការបង្កើតតុងទីនតាមបណ្តាញសង្គម WhatsApp ហើយប្រមូលបានសមាជិកប្រមាណ១៥នាក់។ L.frii បានបញ្ជាក់ថា Franck ទទួលបន្ទុកទាំងអស់សម្រាប់ក្បាលតុងទីននេះ ដោយគេធ្វើជាមេតុងទីនផង ជាលេខាផង និងជាហិរញ្ញឹកផង។ ប៉ុន្តែក្រោយប្រមូលបានប្រាក់ដំបូងជាង១៥០០ដុល្លារអាម៉េរិក រាល់ទំនាក់ទំនងទៅកាន់យុវជនរូបនេះ ត្រូវបានកាត់ផ្តាច់ ហើយសមាជិកទាំងអស់លែងទទួលបានដំណឹងពីមេតុងទីនរបស់ខ្លួន។ នៅកាមេរូន ក៏ដូចជាបណ្តាប្រទេសមួយចំនួនដែលប្រើប្រាស់ភាសាបារាំងនៅអាហ្វ្រិក ការលេងតុងទីន បានក្លាយជាផ្នែកមួយដ៏សំខាន់ក្នុងវិស័យហិរញ្ញវត្ថុ (Informal Financial Sector-IFS)។ យោងតាម Fair Observer ពលរដ្ឋកាមេរូនជាង៥០ភាគរយ ចូលរួមលេងតុងទីន ដែលក្នុងនោះមានដូចជាអ្នកជំនួញ អ្នកមានចំណូលកម្រិតកណ្តាល និងកម្រិតទាប ជាពិសេសស្ត្រី៕
Tag:
តុងទីន
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 6 ថ្ងៃ
