លោក តុល ប្រាសាទ ប្រាប់សារព័ត៌មានថ្មីៗថា លោក មិនមានការសោកស្ដាយ ចំពោះការដកលោកចេញពីឧត្តមក្រុមប្រឹក្សា និងពិគ្រោះយោបល់នេះឡើយ។ លោក បញ្ជាក់ដូច្នេះថា៖«មិនមានកំហុសឆ្គងអ្វីនោះទេ គ្រាន់តែជាហេតុផលនយោបាយ ដោយសារពួកខ្ញុំ ផ្លាស់ប្ដូរការងារគណបក្សឆន្ទៈខ្មែរ ហើយទៅបំពេញការងារជាមួយគណបក្សភ្លើងទៀន»។ 
 

សារព័ត៌មានថ្មីៗ បានទូរស័ព្ទទៅលោក ឈឹម ផលវរុណ ប្រធានលេខាធិការដ្ឋាននៃឧត្តមក្រុមប្រឹក្សាពិគ្រោះ និងផ្តល់យោបល់ ដើម្បីសួរជុំវិញរឿងនេះ តែលោក មិនទទួលការហៅចូល។ 
 

ការដកថ្នាក់ដឹកនាំគណបក្សឆន្ទៈខ្មែរចេញពីឧត្តមក្រុមប្រឹក្សាពិគ្រោះ និងផ្តល់យោបល់ គឺកើតឡើងក្នុងថ្ងៃ ដែលថ្នាក់គណបក្សឆន្ទៈខ្មែរ ប្រកាសជាសាធារណៈពីការទៅរួបរួមជាមួយគណបក្សភ្លើងទៀន ដើម្បីប្រមូលកម្លាំងទៅប្រកួតប្រជែងជាមួយគណបក្សកាន់ំអណាច ក្នុងការបោះឆ្នោតជាតិឆ្នាំ២០២៣ខាងមុខ។ ឯគណបក្សភ្លើងទៀន បានប្រកាសស្វាគមន៍គណបក្សឆន្ទៈខ្មែរ ដែលទៅរួបរួមជាមួយខ្លួន។ លោក គង់ គាំ ប្រធានកិត្តិយសគណបក្សឆន្ទៈខ្មែរ និងជាឪពុករបស់លោក គង់ មុនីកា ត្រូវបានតែងតាំងជាឧត្តមទីប្រឹក្សាគណបក្សភ្លើងទៀន៕