នាជំនួបវគ្គពាក់កណ្តាលផ្តាច់ព្រ័ត្រ AFC Cup ថ្ងៃទី៥ ខែតុលារ នៅកីឡដ្ឋាន Sogdiyona Sport Majmuasi ប្រទេសអ៊ូសបេគីស្ថាន ក្រុម Kuala Lumpur រងសម្ពាធដោយការវាយសម្រុកពីក្រុម Sogdiana ជាខ្លាំង តែពុំមានសំណាងក្នុងទម្លាយសំណាញ់ទីរបស់អ្នកចាំទី K.RayHansen ឡើយនៅវគ្គទី១។

 

ចូលដល់វគ្គទី២ ក្រុមទាំងពីរក៏មិនអាចបំប៉ោងសំណាញ់ទីគ្នាបានដដែល រហូតបញ្ចប់ការបន្ថែមម៉ោង១៥នាទីពីរដងក្នុងលទ្ធផល ០-០។ ក្រុមទាំងពីរត្រូវបន្តដល់ការទាត់បាល់កាត់សេចក្តីដ១១ម៉ែត្រ ដោយ Kuala Lumpur បានយកឈ្នះ Sogdiana ក្នុងលទ្ធផល ៥-៣។ 

 

ក្រុមKuala Lumpur នឹងត្រូវប្រកួតទល់នឹងក្រុម Al-Seeb នាវគ្គផ្តាច់ព្រ័ត្រនៅថ្ងៃទី២២ ខែតុលា នៅកីឡដ្ឋាន Kuala Lumpur ក្រុងគួឡាឡាំពួ ប្រទេសម៉ាឡេស៊ី៕