ក្នុងដំណើរបំពេញបេសកកម្មនេះដែរ ម្ចាស់មេដាយមាសពិភពលោក សំបូរ សុភ័ណ្ឌ ប្រាប់សារព័ត៌មានថ្មីៗ ពីក្តីរំពឹងថា ខ្លួន និងកីឡាករពីររូបទៀតនឹងប្រឹងប្រែងប្រជែងយកមេដាយកម្រិតណាមួយជូនកម្ពុជាឱ្យបាន។
 

សុភ័ណ្ឌ និយាយថា៖«សម្រាប់ខ្ញុំ ខ្ញុំមានក្តីរំពឹងខ្ពស់ដើម្បីឈានទៅរកមេដាយកម្រិតណាមួយ ហើយរឹតតែសង្ឃឹម និងប្តេជ្ញាថាយើងទាំងបីរូបប្រាកដជាធ្វើបានល្អជាទីបំផុត នៅលើឆាកអន្តរជាតិថ្ងៃទី៨ តុលាខាងមុខនេះ»។ កីឡាករ សំបូរ សុភ័ណ្ឌ និយាយដូច្នេះ។
 

ចំណោមកីឡាករកម្ពុជាទាំង៣រូប ម្ចាស់មេដាយមាសលំដាប់ពិភពលោក សំបូរ សុភ័ណ្ឌ នឹងត្រូវប្រកួតលើវិញ្ញាសា Men Physique Open និងClassic Physique Open។ កីឡាករ វីរៈ នីរ៉ាយុទ្ធ ជាម្ចាស់មេដាយសំរឹទ្ធក្នុងកម្មវិធីជើងឯកអាស៊ីអាគ្នេយ៍ ត្រូវប្រកួតលើវិញ្ញាសា Men Physique វិញ្ញាសា Men Physique Open និងClassic Physique Open។ 
 

ចំណែកកីឡាករ វី វុទ្ធី ដែលជាតារាសម្តែង នឹងត្រូវប្រកួតលើប្រភេទវិញ្ញាសា Men Physique 40+, វិញ្ញាសា Bodybuilding 40+ និងClassic Physique Open។

គួរបញ្ជាក់ថា កម្មវិធីប្រកួតកីឡាបញ្ចេញសាច់ដុំ International Federation of Bodybuilding and Fines មានប្រទេសប្រមាណ៧០ និងអត្តពលិក ៤០០នាក់ចូលរួម៕