រដ្ឋបាលខេត្តកែប បានឱ្យដឹងថា អាជីវករ ពាណិជ្ជករ ដែលមានតូបលក់ដូរនៅតំបន់រមណីយដ្ឋានឆ្នេរកែប ត្រូវរៀបចំសណ្តាប់ធ្នាប់របៀបរៀបរយសាធារណៈ អនាម័យ បរិស្ថាន សោភ័ណភាព នៅជុំវិញកន្លែងប្រកបអាជីវកម្មរបស់ខ្លួន ដូចជា ការដាក់តាំាំងលក់ តសំយាប ចងតង់ ដាក់តុ កៅអី គ្រែនៅលើលូ និងផ្លូវសាធារណៈ។ 

 

រដ្ឋបាលក្រុងកែប ណែនាំឱ្យអាជីវករទាំងអស់ ត្រូវរៀបចំសណ្តាប់ធ្នាប់របៀបរៀបរយឱ្យបានល្អជុំវិញកន្លែកលក់ដូរ ត្រូវវេចខ្ចប់ និងទុកដាក់សំរាមឱ្យបានត្រឹមត្រូវ។ លើសពីនេះ រដ្ឋបាលខេត្តកែប មិនអនុញ្ញាតឱ្យមានការតសំយាបចងតង់ ដាក់តុ កៅអី គ្រែនៅលើលូ និងផ្លូវសាធារណៈជាដាច់ខាត។

 

ជាមួយគ្នានេះដែរ អាជីវករ និងពាណិជ្ជករ ដែលមិនអនុវត្តតាមសេចក្តីជូនដំណឹងនេះ រដ្ឋបាលក្រុងកែប នឹងសហការជាមួយអង្គភាពជំនាញពាក់ព័ន្ធ ចុះធ្វើការរុះរើដោយមិនទទួលខុសត្រូវលើការខូតខាតទ្រព្យសម្បត្តិ និងសម្ភារៈផ្សេងៗឡើយ។ 

 

សូមបញ្ជាក់ថា រដ្ឋបាលក្រុងកែប ជឿជាក់យ៉ាងមុតមាំចំពោះអាជីវករ ពាណិជ្ជករ នឹងសហការអនុវត្ត ដើម្បីរក្សាបាននូវសណ្តាប់ធ្នាប់របៀបរៀបរយ និងផលប្រយោជន៍សាធារណៈ។