ក្រុមបាល់ទះស្នងការនគរបាលខេត្តបាត់ដំបង ត្រូវបានអញ្ជើញឱ្យចូលរួមប្រកួតក្នុងពានរង្វាន់នេះ ដោយគេត្រូវប្រកួតទល់នឹងក្រុមបាល់ទះរដ្ឋបាលរាជធានីភ្នំពេញ ដែលជាក្រុមជាប់មកពីការប្រកួតពានរង្វាន់សម្តេច ស ខេង។ រដ្ឋបាលរាជធានីភ្នំពេញ ប្រកួតដំបូងរបស់គេក្នុងពូលA ចាញ់សមាគមបាល់ទះវិសាខា ដោយលទ្ធផល ៣-០សិត(២៥-២២,២៥-២៣,២៥-១៤)។

 

ចំណែកក្រុមបាល់ទះរដ្ឋបាលខេត្តព្រះសីហនុ ត្រូវតទល់ជាមួយក្រុមកងពលធំអន្តរាគមន៍លេខ៣ក្នុងជំនួបពូលC។ កងពលធំអន្តរាគមន៍លេខ៣ ជាក្រុមដែលជាប់មកពីពានរង្វាន់សម្តេច ស ខេង បច្ចុប្បន្នមាន៣ពិន្ទុ ក្រោយយកឈ្នះក្រុមបាល់ទះកូននាគឧត្តរដោយលទ្ធផល ៣-០ សិត(២៥-០៩,២៥-១៥,២៥-១៦)។

 

គួរបញ្ជាក់ថា ការប្រកួតពានរង្វាន់បាល់ទះ សម្តេច ហ៊ុន សែន ឆ្នាំ២០២២ មាន១១ក្រុមចូលរួម និងបែងចែកជា៤ពូល(A-B-C-D)។ ការប្រកួតនឹងធ្វើការជម្រុះតាមពូលនីមួយៗរហូតរកឃើញ៨ក្រុមចុងក្រោយ និងបន្តទៅវគ្គពាក់កណ្តាលផ្តាច់ព្រ័ត្រ និងវគ្គផ្តាច់ព្រ័ត្រ ដែលការប្រកួតប្រព្រឹត្តទៅចាប់ពីថ្ងៃទី១៥-៣០ ខែតុលា នៅ ទីលានបាល់ទះក្នុងសាលព្រីនស៍៕