​​​កីឡាករកូនកាត់ខ្មែរ-អាម៉េរិក ក្រូសលីន ម៉ាធីវដាវីត បានយកឈ្នះ កីឡាករប៊ូតាន Tenzin Singye Do ដោយពិន្ទុប្រកៀកប្រកិតគ្នាក្នុងសិតទី១ ដោយលទ្ធផល ៧-៦ និងនៅសិតទី២ បន្តឈ្នះទៀតដោយពិន្ទុ ៦-៣។

 

ចំណែកកីឡាករ ប៊ុន កេន្នី បានយកឈ្នះកីឡាករ Tenzin Wangchuk ទាំង២សិត ពោលក្នុងសិតទី១ បញ្ចប់ដោយពិន្ទុឈ្នះដាច់ ៦-០ និងចូលដល់សិតទី២ កេន្នី បន្តឈ្នះ Wangchuk ដោយពិន្ទុ ៦-០។  រីឯការប្រកួតនៅលើវិញ្ញាសាវាយគូមានកីឡាករ ឡុង សំនៀង និងទេព ធី ម៉ូធី ដោយក្នុងសិតទី១ កម្ពុជា បានយកឈ្នះលើក្រុមប៊ូតាន ៦-០ និងសិតទី២ បន្តឈ្នះដោយពិន្ទុ ២-០។ 

 

គួរបញ្ជាក់ថា សម្រាប់ព្រឹត្តិការណ៍ប្រកួតពានរង្វាន់ Davis’s Cup 2022 កម្ពុជាបានបញ្ជូនកីឡាករ៥រូប និងគ្រូបង្វឹក គ្រូជំនួយ សរុប៩រូប។ ការប្រកួតចាប់ផ្តើមពីថ្ងៃទី១៧-២២ ខែតុលា ដែលមានក្រុមចំនួន១៦ ចូលរួមប្រកួតប្រជែង ក្នុងនោះដែរកម្ពុជា ឈរពូលA រួមមាន តួកម៉េនីស្ថាន, ប៊ូតាន និងម៉ុងហ្គោលី៕