នៅក្នុងសិតទី១ ក្រុមបាល់ទះខេត្តព្រះសីហនុ បើកការនាំមុខ កងពលធំអន្តរាគមន៍លេខ៣ មុន១សិត ដោយពិន្ទុ ២៥-២០ និងបន្តនាំមុខនៅសិតទី២ ដោយពិន្ទុដាច់ឆ្ងាយ ២៥-១៧ និងនៅសិតទី៣ ខេត្តព្រះសីហនុ យកឈ្នះ កងពលធំលេខ៣ ពិន្ទុប្រដេញគ្នា ២៥-២០។

 

ចំណែកក្រុមបាល់ទះស្នងការនគរបាលខេត្តបាត់ដំបង បាត់បង់៣ពិន្ទុក្នុងជំនួបដំបូងទល់នឹង រដ្ឋបាលរាជធានីភ្នំពេញ ដោយលទ្ធផល ៣-០។ ក្នុងសិតទី១ រាជធានីភ្នំពេញ នាំមុខខេត្តបាត់ដំបងដោយពិន្ទុដាច់ឆ្ងាយតែម្តង ២៥-១០ និងបន្តឈ្នះដាច់ឆ្ងាយម្តងទៀតនៅសិតទី២ ដោយពិន្ទុ ២៥-១៥ ហើយចូលដល់សិតទី៣ រាជធានីភ្នំពេញ បញ្ចប់ដោយពិន្ទុ ២៥-១០។

 

ឆ្លងកាត់១ប្រកួត រដ្ឋបាលខេត្តព្រះសីហនុ ឈរលេខ១ មាន៣ពិន្ទុស្មើកងពលធំលេខ៣ ២ប្រកួត ឈ្នះ១ ចាញ់១ឈរលេខ២ ចំណែកកូននាគឧត្តរ ១ប្រកួត ឈរលេខ៣ ពុំមានពិន្ទុ ក្នុងពូលC។ រីឯពូលA វិសាខា ឆ្លងកាត់១ ប្រកួត មាន៣ពិន្ទុឈរលេខ១ ស្មើរដ្ឋបាលរាជធានីភ្នំពេញ ដែលមាន២ប្រកួត ឈ្នះ១ និងចាញ់១ ឈរលេខ២ និងលេខ៣ ស្នងការនគរបាលខេត្តបាត់ដំបង ពុំមានពិន្ទុក្នុង១ប្រកួតរបស់ខ្លួន។

 

គួរបញ្ជាក់ថា ការប្រកួតពានរង្វាន់បាល់ទះ សម្តេច ហ៊ុន សែន ឆ្នាំ២០២២ មាន១១ក្រុមចូលរួម និងបែងចែកជា៤ពូល(A-B-C-D)។ ការប្រកួតនឹងធ្វើការជម្រុះតាមពូលនីមួយៗរហូតរកឃើញ៨ក្រុមចុងក្រោយ និងបន្តទៅវគ្គពាក់កណ្តាលផ្តាច់ព្រ័ត្រ និងវគ្គផ្តាច់ព្រ័ត្រ ដែលការប្រកួតប្រព្រឹត្តទៅចាប់ពីថ្ងៃទី១៥-៣០ ខែតុលា នៅ ទីលានបាល់ទះក្នុងសាលព្រីនស៍(ហ្គ្រែនភ្នំពេញ)៕