ក្រុមបាល់ទាត់ វិទ្យាល័យឥន្ទ្រទេវីជាក្រុមខ្លាំងមួយដែលធ្លាប់បានគ្រងដំណែងជើងឯកពានរង្វាន់ជើងឯកវិទ្យាល័យលើកទី១ កាលពីឆ្នាំ២០១៩ ម្តងរួចមកហើយដោយបានយកឈ្នះវិទ្យាល័យឬស្សីកែវ ក្នុងលទ្ធផល ២-១។ កាលនោះ ឥន្ទ្រទេវី រកគ្រាប់បាល់បានដោយខ្សែបម្រើ អាត អូនតូច ទាត់បាល់ពិន័យ១១ ម៉ែត្រនៅនាទី៣៩ និងខ្សែប្រយុទ្ធ ស រតនា នៅនាទី៤៥+១ ចំណែកឬស្សីកែវ រកបានដោយកីឡាករ ជា ណារិន នៅនាទី៣៥។

 

ម្ចាស់ជើងឯកឆ្នាំ២០១៩ ឥន្ទ្រទេវី មុននឹងឡើងមកដល់វគ្គនេះគេបានយកឈ្នះវិទ្យាល័យហ៊ុនសែនសេរីភាពដោយលទ្ធផលសរុបទាំងពីរជើង ៧-៣ រីឯវិទ្យាល័យព្រះស៊ីសុវត្ថិ គេបានយកឈ្នះវិទ្យាល័យជាស៊ីសាមគ្គី ដោយលទ្ធផលទាំងពីរជើង ៧-២។

 

គួរបញ្ជាក់ថា ពានរង្វាន់បាល់ទាត់ជើងឯកវិទ្យាល័យលើកទី២ ឆ្នាំ២០២២ មាន១២ ក្រុមចូលរួមប្រកួតរួមមាន៖វិទ្យាល័យឥន្ទ្រទេវី, វិទ្យាល័យឬស្សីកែវ, វិទ្យាល័យព្រះស៊ីសុវត្តិ, វិទ្យាល័យប៊ុនរ៉ានី ហ៊ុនសែន ពងទឹក, វិទ្យាល័យជាស៊ីមឈូកវ៉ា, វិទ្យាល័យហ៊ុន សែន ច្បារអំពៅ, វិទ្យាល័យបឹងត្របែក, វិទ្យាល័យជាស៊ីមសាមគ្គី, សាលាអន្តរជាតិវេសន៍ឡាញ, វិទ្យាល័យកោះដាច់, វិទ្យាល័យហ៊ុនសែន សេរីភាព និងវិទ្យាល័យសម្តេចហ៊ុន សែន ភ្នំពេញថ្មី៕