ស្ថិតក្នុងដំណើរបេសកម្មលើកទី១ ទៅខេត្តក្រចេះ ​កាលពីថ្ងៃទី១៩ ខែតុលានេះ លោក ឌិត ទីណា លើកឡើងថា បញ្ហាទីផ្សារស្រូវអង្ករនៅកម្ពុជា គឺត្រូវពិនិត្យទៅខ្សែច្រវាក់ផលិតកម្មនីមួយៗ។ អង្ករ គឺជាតម្រូវការចាំបាច់ សម្រាប់ប្រជាពលរដ្ឋបរិភោគប្រចាំថ្ងៃ។ កាលណា ស្រូវអង្ករឡើងថ្ងៃខ្ពស់ នឹងធ្វើឱ្យតម្លៃបាយថ្លៃផងដែរ។

 

«មិនសំខាន់ថាតើ តម្លៃស្រូវថ្លៃ ឬក៏ថោកនោះទេ អ្វីដែលសំខាន់នោះគឺអ្នកផលិត កសិកររបស់យើងបានចំណេញប៉ុណ្ណា។ ប្រសិនបើយើងកាត់បន្ថយចំណាយ ហើយព្យាយាមចំណូលរបស់ពួកគាត់បានលើសហ្នឹង គឺគ្រប់គ្រាន់»។ នេះជាការបញ្ជាក់របស់លោក ឌិត ទីណា រដ្ឋមន្រ្តីក្រសួងកសិកម្ម។

 

៣ត្រីមាសឆ្នាំ២០២២នេះ កម្ពុជាបាននាំចេញអង្ករចំនួន ៤៤៩៣២៥តោន ដែលបានកើនឡើង១០ភាគរយ និងទទួលបានចំណូលប្រមាណ២៨៦លានដុល្លារ។ ការនាំចេញអង្ករគ្រប់ប្រភេទបានចំនួន ៤៤៩៣២៥តោន ទៅកាន់គោលដៅ៥៥ ប្រទេស។ ក្នុងនោះប្រទេសចំនួន៩ បានគ្រប់ដណ្ដប់ទីផ្សារនាំចេញអង្ករកម្ពុជា ជាង៨២ភាគរយ ដែលរួមមានចិន ៤៤ភាគរយ បារាំង១៤ភាគរយ ម៉ាឡេស៊ី​៥ភាគរយ ហូឡង់៤ភាគរយ អ៊ីតាលី២ភាគរយ ហ្កាប៊ុង២ភាគរយ ព្រុយណេ២ភាគរយ អង់គ្លេស២ភាគរយ និងអាឡឺម៉ង់ ២ភាគរយ៕