ពេជ្យ សម្បត្តិ ធ្លាប់បានជួបប្រកួតជាមួយកីឡាករថៃ ផាត់ថាណា ចំនួន២លើករួចមកហើយ។ កាលពីពេលថ្មីៗកន្លងទៅ ក្របីព្រៃ ពេជ្យ សម្បត្តិ ឈ្នះ១លើក និងចាញ់១លើក។ សម្បត្តិ ប្រកួតចុងក្រោយផ្តួល កីឡាករ ធន់ ផានិត ឱ្យសន្លប់ក្នុងទឹកទី១។ ចំណែក ផាត់ថាណា ឈ្នះពិន្ទុមិត្តរួមជាតិថៃ កីឡាករខ្ញីចាស់ ទួនប៉េ នៅវគ្គពាក់កណ្តាលផ្តាច់ព្រ័ត្រ។

 

ក្របីព្រៃ ប្រកួតចុងក្រោយរបស់គេធ្វើបានល្អច្រើន ការចេញស្នៀតរបស់គេគឺផ្តាច់គូប្រកួតរបស់ខ្លួនឱ្យចប់ត្រឹមទឹក១ និងទឹក២ ខណៈផាត់ថាណា យកបានជ័យជម្នះដោយបញ្ចប់ត្រឹមទឹក៥ ជាហូរហែរ។ សម្បត្តិ ខិតខំហ្វឹកហាត់ឥតឈប់ឈរ ដោយមានមហិច្ឆតាចង់ឈ្នះខ្សែក្រវាត់ខារ៉ាបាវ រដូវកាលទី៨ នេះ។

 

ក្រៅពីគូប្រជែងដំណែងខ្សែក្រវាត់ កីឡាករ ធន់ ផានិត នឹងឡើងសង្វៀនស្វាគមន៍ ទួនប៉េ ដើម្បីប្រជែងដំណែងលេខ៣ បន្ទាប់ពីរូបគេទាំងពីរសុទ្ធតែបរាជ័យនៅវគ្គពាក់កណ្តាលផ្តាច់ព្រ័ត្រដូចគ្នា៕